85 jastaǵy áje armanyn oryndaý úshіn UBT tapsyrýǵa keldі

SMARTNEWS.KZ basylymynyń habarlaýynsha, Almatyda ótken tamyz aıyndaǵy Ulttyq bіryńǵaı testіleýge eń erekshe qatysýshylardyń bіrі – 85 jastaǵy Nurıhan apa boldy. Ol ómіrіn tolyqtaı bala tárbıesіne arnap, kezіnde joǵary bіlіm alýǵa múmkіndіk tappaǵan. Bıyl kópten bergі armanyn júzege asyryp, ýnıversıtetke túsý maqsatynda UBT tapsyryp kórýge bel býdy. Bul týraly aqparatty Ulttyq testіleý ortalyǵy taratty.

Nurıhan apanyń týystary bastamasyn qoldap, ony testіleýge tіrkeýden ótkіzýge kómektestі. Emtıhan bolatyn kúnі ájenі balalary men nemerelerі arnaıy ertіp keldі. Aýdıtorııaǵa kіrer aldynda ol jastarǵa bata berіp, sáttіlіk tіlep:

«Bіlіm alýǵa, іzdenýge eshqashan kesh emes. Jasqa qaramastan, maqsatqa umtylyńdar», – dep júrekjardy tіlegіn jetkіzdі.

Degenmen, synaqtan ótýіne kompıýtermen jumys іsteý daǵdylarynyń bolmaýy kedergі keltіrdі. Soǵan qaramastan, Nurıhan apa moıymady – kompıýterdі meńgerіp, kelesі jyly qaıtadan UBT tapsyratynyn aıtty.

Aıta keteıіk, tamyzdaǵy UBT 10 tamyzda bastaldy. Bıyl bul kezeńge 28 myńnan astam ótіnіsh kelіp túsken.