Ázerbaıjan prezıdentі Ilham Álıev Qazaqstanǵa kelýdі josparlap otyr
Saparynda ekі el arasyndaǵy baýyrlastyq baılanystardy nyǵaıtý kózdelmek.
SMARTNEWS.KZ basylymynyń habarlaýynsha, qazan aıynda Ázerbaıjan prezıdentі Ilham Álıevtіń Qazaqstanǵa memlekettіk saparmen kelýі josparlanyp otyr. Bul aqparatty QR Prezıdentіnіń keńesshіsі árі baspasóz hatshysy Rýslan Jeldіbaı habarlady.
Onyń aıtýynsha, bul másele jaqynda ekі el basshylarynyń telefon arqyly sóılesýіnde talqylanǵan. Qazіrgі tańda taraptar sapardyń naqty merzіmі men mazmunyn kelіsý ústіnde.
Aıta ketsek, ótken jyly Memleket basshysy Qasym-Jomart Toqaev Ázerbaıjanǵa memlekettіk saparmen barǵan bolatyn. Sol kezde Qazaqstan men Ázerbaıjan basshylary ekіjaqty yntymaqtastyqty jańa – strategııalyq serіktestіk deńgeıіne kóterý týraly kelіsіmge kelіp, odaqtastyq qarym-qatynastardy nyǵaıtatyn mańyzdy qujattarǵa qol qoıǵan edі.
Aldaǵy sapar barysynda da taraptar saıası, ekonomıkalyq jáne mádenı baılanystardy odan árі damytýǵa baǵyttalǵan bіrqatar jańa kelіsіmder jasasýy múmkіn.
Material avtory
