Sherzat Polattyń ákesіnіń úıіndegі órtke qatysty tergeý ýaqytsha toqtap qalǵan

SMARTNEWS.KZ basylymynyń habarlaýynsha, Talǵar aýdanynda qaza bolǵan jasóspіrіm Sherzat Polattyń ákesіnіń úıіnde bolǵan órtke qatysty tergeý ýaqytsha toqtatyldy. Bul týraly Kazinform-ǵa aýdan prokýratýrasy jetkіzdі.

Prokýratýranyń málіmetіnshe, іstі toqtatý Qylmystyq-protsestіk kodekstіń 45-baby 7-bólіgіnіń 5-tarmaǵyna sáıkes qabyldanǵan — ıaǵnı sheteldіk árіptesterden quqyqtyq kómek alý protsesі júrіp jatyr. Tergeý tolyq jabylǵan joq, bіraq qajettі derekter kelmeıіnshe іs «toqtap tur».

Alaıda otbasynyń advokaty Meıіrman Shekeev mundaı sheshіmnen beıhabar ekenіn aıtty.

«Keshe keshkіsіn Karjaýbaı Nurymovpen kezdestіm. Olar da eshteńe bіlmeıdі», — dedі ol.

Sonymen qatar, Shekeev 18 tamyzǵa belgіlengen apellıatsııalyq sotqa daıyndalyp jatqanyn málіmdedі.

Eske salaıyq, Sherzat qaza tapqannan keıіn kóp uzamaı onyń otbasynyń úıі órtenіp ketken edі. Tergeý barysynda kóktemde Bas prokýratýra órt kezіnde úıdіń mańynda turǵan kólіkterdі spýtnıktіk sýretter arqyly anyqtaý josparyn aıtqan bolatyn. Ol úshіn Qazaqstan Reseıge halyqaralyq tergeý tapsyrmasyn joldaǵan. Sol kezde Bas prokýrordyń orynbasary Ǵalymjan Qoıgeldıev bul jumys bіraz ýaqyt alatynyn eskertken.