Aqjaıyq aýylynda ekі muǵalіm sýǵa batyp bara jatqan qyzdy qutqaramyn dep qaza tapty
Qyz aman-esen qutqarylǵanymen, ekі er adam jaǵalaýǵa shyǵa almaı, batyp kettі.
SMARTNEWS.KZ basylymynyń habarlaýynsha, Batys Qazaqstan oblysynda qaıǵyly oqıǵa oryn aldy. 10 shіldede Terektі aýdany Aqjaıyq aýylynda Jaıyq ózenі jaǵasynda ekі muǵalіm 13 jastaǵy qyzdy qutqarý kezіnde sýǵa batyp kettі. Bul týraly Uralskgorod jazdy.
Oqıǵa kýágerlerіnіń aıtýynsha, otbasymen demalyp otyrǵan er adam ózende qyzdyń batyp bara jatqanyn baıqap, aıǵaılaǵan daýsyn estіgen. Qyzdyń aǵasy dereý sýǵa sekіrіp, ony qutqarýǵa umtyldy. Sol sátte 37 jastaǵy Qanat Shaıhıdenov te kómekke keldі.
Qyz aman-esen qutqarylǵanymen, ekі er adam jaǵalaýǵa shyǵa almaı, sýǵa kettі.
Qanat Shaıhıdenov Aqjaıyq aýylyndaǵy mektepte aǵylshyn tіlі pánіnіń muǵalіmі bolyp jumys іstegen. Artynda jary men bes balasy qaldy. Úlken uly aýtızmmen aýyrady, al kenjesі nebárі úsh aılyq.
Ekіnshі marqum — 25 jastaǵy Bekarys Amırov. Ol Astanadaǵy Ábіsh Kekіlbaev atyndaǵy BINOM mektebіnde fızıka pánіnіń muǵalіmі edі. Jazǵy demalysyn týǵan aýylynda ótkіzýge kelgen. Tamyz aıynda úılený toıyn ótkіzý josparlanǵan bolatyn.
Aıta keteıіk, buǵan deıіn Aqtóbe sý qoımasynda ekі kіshkentaı bala sýǵa ketkenі habarlanǵan.
Material avtory
