«Bul qandy qoldardy jarystardan qýatyn ýaqyt keldі»: BUU ókіlі ÝEFA-ǵa Izraıldі jarystardan shettetýge shaqyrdy
Sportty genotsıdten azat eteıіk deıdі ókіl.
SMARTNEWS.KZ basylymynyń habarlaýynsha, BUU-nyń okkýpatsııalanǵan palestınalyq aýmaqtardaǵy adam quqyqtary máselelerі jónіndegі arnaıy baıandamashysy Francheska Albaneze Izraıldі ÝEFA jarystarynan shettetýge shaqyrdy. Bul týraly ol áleýmettіk jelі H-te (burynǵy Twitter) málіmdedі.
Albaneze ÝEFA-nyń «palestınalyq Pele» atanǵan Sýleıman Ál-Obeıdtіń qazasyna qatysty jazbasyn bólіsіp, emotsııalyq pіkіr qaldyrǵan. Championat málіmetіnshe, 41 jastaǵy fýtbolshy Izraıldіń áýe soqqysy kezіnde qaza tapqan.
Palestına fýtbol qaýymdastyǵynyń aqparatyna súıensek, sportshy Gaza sektorynyń ońtústіgіnde gýmanıtarlyq kómek kezegіnde turǵan adamdardyń arasynda bolǵan. Resmı derek boıynsha, 2023 jyldyń qazanynan berі Izraıl shabýyldary saldarynan palestınalyq fýtboldyń 321 ókіlі kóz jumǵan.
«Bul qandy qoldardy jarystardan qýatyn ýaqyt keldі. Sportty aparteıd pen genotsıdten azat eteıіk», – dep jazdy BUU ókіlі ÝEFA akkaýntyn belgіlep.
Buǵan deıіn Eýropalyq odaqqa múshe bіrqatar elder de halyqaralyq uıymdardan Izraıl sportshylaryn jarystardan shettetýіn talap etýdі josparlap otyrǵany habarlanǵan.
Sonymen qatar, Iran fýtbol federatsııasynyń prezıdentі Mehdı Tadj Izraıldі ırandyq sport nysandaryna shabýyl jasady dep aıyptap, bul eldі barlyq jarystardan tolyqtaı alastaýdy surap, resmı hatty FIFA-ǵa joldaǵan.
Aıta ketsek, 2024 jyly Gaza sektoryndaǵy qaqtyǵysqa baılanysty 12 Taıaý Shyǵys memleketі FIFA-dan Izraıldі halyqaralyq týrnırlerden shettetýge shaqyrǵan. Alaıda bul talap oryndalmaǵan.
Material avtory
