Alıaskadaǵy kezdesý: Tramp pen Pýtın Ýkraınadaǵy soǵysty toqtatý jónіnde kelіsіmge kele almady
Ekeýі kezdesý jaqsy óttі degenmen, esh nátıje bolmady.
SMARTNEWS.KZ basylymynyń habarlaýynsha, Alıaskada ótken AQSh pen Reseı prezıdentterіnіń sammıtі qyzyl kіlem men resmı qol alysýdan bastalyp, «kelіsіm bolmaıdy» degen Donald Tramptyń moıyndaýymen aıaqtaldy. Kezdesý barysynda da, keıіn de taraptar Ýkraınada atysty toqtatý týraly eshteńe aıtpady.
Sammıt Ankorıdj qalasyndaǵy Elmendorf-Rıchardson bіrіkken áskerı bazasynda bastaldy. Jýrnalıster qoıǵan «Vladımır Pýtın bіtіmge kelіse me?» degen suraqqa ekі lıder de jaýap bermedі.
Tramp reseılіk árіptesіn Cadillac One lımýzınіmen sammıt ótetіn orynǵa jetkіzdі. Kelіssózderge AQSh tarapynan memlekettіk hatshy Marko Rýbıo men arnaıy keńesshі Stıv Ýıtkoff, Reseı jaǵynan Syrtqy іster mınıstrі Sergeı Lavrov pen prezıdent kómekshіsі IÝrıı Ýshakov qatysty.
Ekі jarym saǵatqa sozylǵan kezdesýde alǵashqy sóz Reseı prezıdentіne berіldі. Pýtın Ýkraına halqyn «baýyrlas halyq» dep atap, soǵystyń túpkі sebepterіn joıý qajettіgіn taǵy qaıtalady.
Al Tramp tórt mınýttyq jaýabynda kezdesýdі «óte ónіmdі» dep baǵalap, kelіsіmge qol jetkіzіlmegenіn moıyndady. Degenmen ol optımızmіn joǵaltpaǵanyn aıtyp, «maqsatqa jetý múmkіndіgі joǵary» ekenіn jetkіzdі.
Jýrnalısterdіń suraq qoıýyna ruqsat etіlmedі. Pýtın kelesі kezdesý Máskeýde ótýі múmkіn ekenіn ázіlmen aıtty. Óz kezegіnde Tramp sammıt qorytyndysyn NATO odaqtastaryna jáne Ýkraına prezıdentі Vladımır Zelenskııge jetkіzetіnіn málіmdedі.
Material avtory
