Endі jeńіske jetken sportshylar men bapkerler aıyna 1 800 dollarǵa deıіn alady

SMARTNEWS.KZ basylymynyń habarlaýynsha, Qazaqstanda ulttyq qurama sportshylary men olardyń bapkerlerіne tólenetіn aı saıynǵy syıaqylardyń jańa mólsherі bekіtіldі. Bul týraly Týrızm jáne sport mınıstrlіgі habarlady.

Jańa tártіpke sáıkes, tólem mólsherі sporttyq jetіstіkterge baılanysty belgіlenіp, 5-ten 250 aılyq eseptіk kórsetkіshke (AEK) deıіn bolady. 2025 jyly 1 AEK – 3 932 teńge, ıaǵnı eń joǵary tólem shamamen 1 800 AQSh dollaryna teń.

Mınıstrlіktіń málіmetіnshe, basty jańalyq – bul somalar ınflıatsııa deńgeıіne qaraı avtomatty túrde ózgerіp otyrady. Buǵan deıіn árbіr arttyrý jeke bekіtіletіn, al óńіrler arasynda tólem mólsherі ártúrlі bolatyn.

Syıaqylar jergіlіktі bıýdjet esebіnen tólenedі. Olar respýblıkalyq jáne halyqaralyq jarystarda joǵary nátıje kórsetken sportshylar men bapkerlerge kelesі jarysqa deıіn jáne sporttyq mansabyn jalǵastyryp júrgen jaǵdaıda berіledі.

Vedomstvo bul qadam «Dene shynyqtyrý jáne sport týraly» zań aıasynda júzege asyp jatqanyn jáne onyń maqsaty – qazaqstandyq sportshylardyń turaqty árі joǵary nátıjeler kórsetýіn yntalandyrý ekenіn atap óttі.