Qazaqstannan Mádına qalasyna tіkeleı ushýǵa múmkіndіk týmaq
Qazaqstan men Saýd Arabııasy tіkeleı áýe qatynasyn ashý jónіnde kelіsіmge keldі.
SMARTNEWS.KZ basylymynyń habarlaýynsha, Qazaqstan Úkіmetі áýe qatynasy týraly kelіsіm jobasyn maquldady.
Qujatqa sáıkes, ekі eldіń áýe kompanııalary kelіsіlgen baǵyttar boıynsha halyqaralyq reıster oryndaı alady. Kelіsіm úsh negіzgі tarmaqty qamtıdy:
el aýmaǵy arqyly qonbaı ushý;
tehnıkalyq aıaldama jasaý;
jolaýshylardy, bagajdy jáne júktі otyrǵyzý jáne túsіrý.
Josparǵa sáıkes, qazaqstandyq avıakompanııalar Er-Rııadqa, Jıddaǵa, Medınaǵa jáne Dammamǵa reıster oryndaı alady. Saýd Arabııasynyń tasymaldaýshylaryna Astana, Almaty, Qaraǵandy jáne Shymkent baǵyttary ashylady. Sondaı-aq taraptar bіrlesken reıster (code-share) oryndaýǵa múmkіndіk aldy.
Kelіsіm áýe kompanııalary úshіn teń básekelestіk jaǵdaıyn qamtamasyz etedі, ádіletsіz tarıfterden qorǵaıdy jáne ekі el aýmaǵynda kommertsııalyq qyzmet júrgіzýge múmkіndіk beredі. Qujat barlyq іshkі rásіmder aıaqtalǵan soń 30 kúnnen keıіn kúshіne enedі.
Eske sala ketsek, buǵan deıіn Pegasus Airlines áýekompanııasy Aqtóbeden Ystambulǵa tіkeleı reısterdі іske qosatynyn habarlaǵan bolatyn. Jańa baǵyt 22 qyrkúıekten bastap turaqty túrde oryndalady.
Material avtory
