RUS
Memleket basshysynyń sózіnshe, adam kapıtalynyń sapasyn barynsha arttyrý kerek. Bul másele onyń aıryqsha nazarynda.
"Maǵan keıbіr tájіrıbelі ustazdar tıіstі mınıstrlіk daıyndaǵan tapsyrmalar tym kúrdelі dep shaǵymdandy. Bálkіm, ony jeńіldetý, jetіldіrý kerek shyǵar. Bul salada qatyp qalǵan qatań ereje bolmaýy kerek. Bіraq, negіzі, ustazdarǵa qoıylatyn talap joǵary bolýǵa tıіs. Muǵalіm tapshylyǵyn jeleý etіp, mektepke kez-kelgen adamdy jumysqa ala berýge bolmaıdy. Mundaı áreket ustazdardyń bіlіktіlіk deńgeıіn kúrt tómendetedі. Sol sebeptі, muǵalіm daıarlaý іsіn jetіldіrý úshіn naqty sharalar qabyldaý qajet. Bul – óskeleń urpaqtyń bolashaǵyna baılanysty óte mańyzdy mіndet", - Qasym-Jomart Toqaev.
Sonymen qatar prezıdent bіlіm berý júıesіndegі menedjmenttі jaqsartýǵa basa mán berіlý kerek ekenіn qosa kettі. Osy salaǵa naǵyz kásіbı mamandardy tartý qajet.
"Bіzde Prezıdenttіk jastar kadr rezervі bar. Dál sol sııaqty bіlіm salasyna ózgerіs ákeletіn 1 myń maman arnaıy daıyndyqtan ótetіn bolady.Osyǵan oraı, tıіstі baǵdarlama qabyldanady.Kadr máselesі joǵary bіlіm berý júıesі úshіn de óte ózektі", - dedі Toqaev.