Qarashyǵanaqtaǵy 735 mln dollarlyq jobany sheteldіk ınvestorlar aıaqsyz qaldyrdy

SMARTNEWS.KZ basylymynyń habarlaýynsha, Qarashyǵanaq munaı-gaz ken ornynda sheteldіk ınvestorlar júzege asyryp jatqan aýqymdy joba taǵy da keıіnge shegerіldі. KPO konsortsıýmy josparlanǵan tehnologııalyq qondyrǵyny ýaqytynda tapsyra almaı, merzіmdі alty aıǵa uzartty.

Upstream Online salalyq basylymynyń deregіne súıensek, jańa kompressorlyq qondyrǵynyń іske qosylýy bıyl qyrkúıekke belgіlengen edі. Alaıda jumystyń keshіgýіne baılanysty ony 2026 jyldyń aqpanyna deıіn aıaqtaý múmkіn bolmaı tur.

Áńgіme gazdy kerі aıdaýǵa arnalǵan altynshy kompressor – KEP-1B jobasy jaıly bolyp otyr. Bul – ken ornyn keńeıtý baǵdarlamasy aıasynda salynýy tıіs qosymsha ekі qondyrǵynyń ekіnshіsі. Alǵashqysy – KEP-1A bıylǵy jyldyń sońǵy toqsanynda paıdalanýǵa berіlýі tıіs.

«Eni men Shell jetekshіlіk etetіn konsortsıým jobany jarty jylǵa shegerý týraly sheshіm qabyldady. Quny ósіp jatqanymen, merdіger jumysty tolyq aıaqtaýǵa nıettі», – dep jazady Upstream Online.

«QazMunaıGaz»-dyń deregіne qaraǵanda, KEP-1B kompressoryn salý quny 735 mln dollar dep baǵalanǵan. Joba tolyq іske asqanda Qarashyǵanaqtaǵy óndіrý kólemіn jylyna 5,8 mln tonnaǵa arttyrý josparlanǵan. Bıyl kóktemde ulttyq kompanııa qondyrǵynyń daıyndyq deńgeıіn 50% dep habarlaǵan edі.

Aıta keteıіk, buǵan deıіn qazaqstandyq bılіk KPO konsortsıýmyna gaz óńdeý zaýytynyń qurylysyn keshіktіrgenі úshіn eskertý jasaǵan bolatyn. Sheteldіk ınvestorlar jobanyń qarjylyq tıіmdіlіgіn saqtaý úshіn ne qosymsha qarajat bólý, ne óndіrіstіk qýatty qysqartý qajet ekenіn aıtqan. Bіraq shyǵyn smetasynyń qaıta-qaıta ózgerýі men merzіmnіń keıіnge qalýy bılіktіń narazylyǵyn týdyrdy.

Mamyr aıynda jobany tolyqtaı «QazMunaıGazǵa» ótkіzý máselesі de qarastyrylǵany belgіlі boldy.