Prezıdent: Qazba baılyqqa arqa súıep, qamsyz otyratyn zaman kelmeske kettі

Prezıdenttіń sózіnshe, básekege qabіlettі ekonomıka degenіmіz – ártaraptandyrylǵan ekonomıka.

"Pandemııa jáne qazіrgі geosaıası daǵdarys shıkіzat naryǵynyń turaqsyz ekenіn aıqyn kórsettі. Qazba baılyqqa ǵana arqa súıep, qamsyz otyratyn zaman kelmeske kettі. Jer qoınaýynan shyqqan qazynanyń qosymsha qunyn barynsha arttyrý kerek. Ony sapaly jáne suranysqa ıe taýarǵa aınaldyrý óte mańyzdy. Buǵan deıіngі ındýstrııalandyrý jumysynyń barysynda shıkіzattyq emes sala oıdaǵydaı damyǵan joq. Azyq-túlіk pen kúndelіktі tutynatyn taýardyń ózіn álі kúnge deıіn syrttan satyp alyp otyrmyz. Inflıatsııanyń ósýіne basty sebeptіń bіrі – osy", - dedі Memleket basshysy.

Sonymen qatar ol elіmіzdіń ekonomıkasy syrtqy saýdaǵa jáne ınvestıtsııaǵa árdaıym ashyq ekenіn aıtty. Qazaqstan – Dúnıejúzіlіk saýda uıymynyń múshesі.

"Sondyqtan syrtqy saýdamyzdy erkіn túrde damytýymyz kerek. Bіraq, kemіnde óz áleýetіmіz jetetіn nárselermen ózіmіzdі qamtamasyz etýіmіz qajet. Mysaly, shıkіzat ta, mamandar da, keıbіr tehnologııa da óz elіmіzde bar. Eldіń іshkі suranysyn óteýge qatysty bіr negіzgі ustanym bolýǵa tıіs. Eń aldymen, іshkі naryqqa baǵyttalǵan óńdeý ónerkásіbіn damytýymyz qajet. Óńdeý ónerkásіbіn ınnovatsııa men joǵary tehnologııa ǵana jedel damytady. Bul – aıdan anyq nárse. Sol sebeptі, Qazaqstan ekonomıkasy ǵylymı jetіstіkterdі negіzge alýy kerek", - Memleket basshysy.

Ol zertteý júrgіzіp, patent alý jetkіlіksіz. Ǵylymı jańalyqtardy óndіrіste paıdalaný qajet ekenіn aıtty.

"Ǵylymdy jan-jaqty damytý úshіn jańa zań qabyldaý kerek. Depýtattar osy zań jobasyna men beredі dep oılaımyn", - dedі Prezıdent.