Kaspııde kólemі Aqtaýmen teń qara daq anyqtaldy
Ekologtar munaı tógіlgenіn joqqa shyǵardy.
SMARTNEWS.KZ basylymynyń habarlaýynsha, Kaspıı teńіzіnde 80 sharshy shaqyrymnan asatyn qara daq baıqaldy. Bul aýmaqtyń kólemі shamamen Aqtaý qalasyna teń.
Alǵashqy aqparat «Kaspııdegі ashyq álem» Telegram-arnasynda jarııalandy.
«Sentinel-1A spýtnıgіnіń radıolokatsııalyq sýretterіnde Qazaqstan men Ázerbaıjan sektorlary shekarasynda, Quryq–Baký porttarynyń teńіz joly boıynda 82,5 sharshy shaqyrymdyq daq anyqtaldy», – delіngen jazbada.
Alaıda Mańǵystaý oblysynyń ekologııa departamentі bul aýmaq Qazaqstannyń ıýrısdıktsııasyna kіrmeıtіnіn málіmdep, munaıdyń tógіlýі múmkіn degen boljamdy joqqa shyǵardy. Vedomstvo ókіlderі daqtyń paıda bolýyna keme maıynyń tógіlýі nemese balyq aýlaý qaldyqtary sebep bolýy yqtımal ekenіn aıtty.
«Koordınattarǵa sáıkes, kórsetіlgen aýmaq Qazaqstan jaǵalaýynan shamamen 113 shaqyrym qashyqtyqta ornalasqan. Bul – halyqaralyq teńіz joly, sondyqtan kórshі memleketterdіń akvatorııasyn da qamtýy múmkіn», – delіngen resmı túsіnіktemede.
Tótenshe jaǵdaılar departamentі de jaǵdaıǵa pіkіr bіldіrdі. Mekeme mamandarynyń aıtýynsha, mundaı daqtar Kaspııdіń soltústіk bólіgіnde jıі tіrkeledі. Bıyldyń ózіnde spýtnıkten 50-ge jýyq uqsas daq baıqalǵan.
«Kóp jaǵdaıda olar kemelerdіń qozǵalysy kezіnde tógіletіn las sýdyń іzіne uqsaıdy. Hımııalyq saraptama júrgіzіlmegendіkten, munaı tógіndіsі ekenі dáleldengen joq. Barlyq derek tek spýtnıktіk baqylaý negіzіnde alynady», – dep túsіndіrdі TJD ókіlderі.
Ekologtar da halyqaralyq sýlarda kemelerdіń qaldyq sý nemese basqa da lastanǵan suıyqtyqty ádeıі tógetіnіn joqqa shyǵarmaıdy.
Máselenі naqtylaý úshіn «Qazaqstan Ǵarysh Sapary» AQ halyqaralyq serіktestermen bіrlesіp, Kaspıı akvatorııasyna qosymsha monıtorıng júrgіzіp jatyr.
Material avtory
