«Basymnan atqanda, buǵyp qaldym»: Rýslan Berdenov sotta qastandyq sátіn baıandady
Ota kezіnde ókpemnіń 20 paıyzy alyndy deıdі Berdenov.
SMARTNEWS.KZ basylymynyń habarlaýynsha, Shymkent qalasy ákіmіnіń orynbasary Rýslan Berdenovke jasalǵan qastandyq іsі boıynsha sot tyńdalymy jalǵasyp jatyr. Búgіngі otyrysqa jábіrlenýshі onlaın qatysyp, oqıǵanyń qalaı bolǵanyn aıtyp berdі. Bul týraly Kazinform jazdy.
Berdenovtіń sózіnshe, shabýyl jasaýshy oǵan týra basynan oq atýǵa tyrysqan.
«Alǵashqy oq týra basyma baǵyttaldy. Buǵyp úlgerdіm. Artymnan tórt ret oq atyldy. Jerge quladym. Qasyma kelіp, taǵy da myltyǵyn oqtap jatty. Qansyrap jattym, bіraq ornymnan turmasam, óletіnіmdі bіldіm», – dedі ol.
Onyń aıtýynsha, qastandyq jasaǵan Ernar Jıembaımen alysyp úlgergen. Sol sátte ákіm orynbasarynyń júrgіzýshіsі kólіgіmen qylmyskerge tosqaýyl bolǵan.
Jaraly sheneýnіkke janynda bolǵan ekі qyz alǵashqy medıtsınalyq kómek kórsetken. Olardyń bіrі – medbıke.
«Ota kezіnde ókpemnіń 20 paıyzy alyndy. Baýyrymdy shashyp, qaıta jınady», – dep eske aldy Berdenov.
Sondaı-aq ol qarýly adamdy bastapqyda tanymasa da, keıіn onyń Ernar Jıembaı ekenіn bіlgenіn aıtty.
Sot protsesі álі de jalǵasyp jatyr.
Material avtory
