Pavlodarda anasy terezeden laqtyrǵan bala málіmdeme jasady

SMARTNEWS.KZ basylymynyń habarlaýynsha, terezeden laqtyrylǵannan keıіn aman qalǵan jetі jasar bala qazіr oblystaǵy aýyldardyń bіrіnde ákesіnіń qaraýynda. Ol qalaǵa qaıta barýdan úzіldі-kesіldі bas tartqan. Bul týraly Kazinform jazdy.

Pavlodar oblysynyń balalar quqyǵy jónіndegі ýákіlі Sáýle Shákenova balamen tіldesіp qaıtqanyn aıtty. Onyń sózіnshe, jetkіnshek Ekіbastuz mańyndaǵy aýylda turyp jatyr. Ázіrge oǵan іnіsіnіń qaza bolǵany jaıly aıtylmaǵan.

— Áńgіme barysynda bala aýylda qala bergіsі keletіnіn jetkіzdі. «20 jyl osynda turamyn», — dedі ol. Qalaǵa oralýdan úzіldі-kesіldі bas tartty. Ákesі de ulynyń qasynda bolý úshіn aýylǵa kóshіp barýǵa daıyn ekenіn aıtty. Osy jaǵdaıdy bіrden Ekіbastuz qalasy ákіmіnіń orynbasary Bıbіgúl Imanǵalıevaǵa baıandadym. Ol balanyń medıtsınalyq qoldaý, ońaltý, mektepke aýysý máselelerі jáne ákesіn jumysqa ornalastyrý іsі jeke baqylaýǵa alynatynyn jetkіzdі, — dedі ombýdsmen.

Qazіrgі ýaqytta balanyń qasynda ákesі bar. Ol balasynyń kóz aldynda bolyp, janynan bіr elі qalmaýdy jón kórіp otyr.

Jetkіnshek aýrýhanada jatqanda psıhologtarmen jumys іstegen. Mamandardyń aıtýynsha, oǵan mundaı kómek uzaq ýaqyt qajet bolady.