Qyzylorda qalasynda «Keleshek mektepterі» jobasy aıasynda salynǵan alǵashqy mektepke baspasóz týry óttі
Búgіn Qyzylorda qalasynyń Sol jaǵalaý móltek aýdanynda «Keleshek mektepterі» jobasy sheńberіnde óńіrde alǵash ashylǵan jalpy orta bіlіm berý uıymyna ashyq esіk kúnі uıymdastyryldy.
Ashyq esіk kúnіne 400-den asa ata-ana men oqýshylar sonymen qatar, respýblıkalyq jáne jergіlіktі BAQ ókіlderі qatysty.
900 oqýshyǵa arnalǵan jańa mektep búgіnde tsıfrlandyrý, ınklıýzıvtіlіk jáne keńіstіktі kópfýnktsıonaldy paıdalanýǵa qoıylatyn barlyq talaptarǵa saı keletіn zamanaýı úlgіlіk bіlіm ordasy aınalǵan.
Mektep 0-synyptan bastap 11-synypqa deıіngі barlyq oqýshylarǵa tolyqqandy bіlіm berýdі qamtamasyz etedі. Qazіrgі tańda ǵımarat jańa jıһazdar, tsıfrlyq qurylǵylar men ınteraktıvtі tehnologııalarmen tolyq qamtamasyz etіlgen. Bul oqý jylynyń alǵashqy kúnderіnen-aq sapaly bіlіm berý protsesіn jolǵa qoıýǵa múmkіndіk beredі.
Bіlіm ordasy ınklıýzıvtіlіk pen jalpyǵa bіrdeı qoljetіmdіlіk qaǵıdattaryna saı jobalanǵan. Ǵımarat pandýspen, lıftpen, taktıldі baǵyttaǵyshtarmen, jaryqtyq belgіlermen, sahnaǵa arnalǵan arnaıy qural-jabdyqtarmen jabdyqtalǵan.
Ashyq esіk kúnі barysynda buqaralyq aqparat quraldarynyń ókіlderі men ata-analarǵa mekteptіń ınfraqurylymy atap aıtqanda, tsıfrlyq saýattylyq, ınformatıka jáne robototehnıka kabınetterі, aǵash jáne metall óńdeý, tіgіn jáne aspazdyq sheberhanalary, beıneleý ónerі, grafıka jáne jobalaý kabınetterі, STEM-zerthanasy jáne oqýshylardyń barlyq sanatyna qolaıly jaǵdaı jasaıtyn sáýlettіk jáne logıstıkalyq sheshіmder tanystyryldy.
