Vashıngtondaǵy Tramp pen Zelenskııdіń kezdesýі qalaı óttі?
Zelenskıı Ýkraına jerіnіń máselesіn ýkraına halqynsyz sheshýge bolmaıdy dep kesіp aıtty.
SMARTNEWS.KZ basylymynyń habarlaýynsha, AQSh prezıdentі Donald Tramp, Ýkraına basshysy Vladımır Zelenskıı jáne Eýropa elderіnіń kóshbasshylary qatysqan Vashıngtondaǵy sammıt nátıjelі óttі.
Kezdesý qorytyndysynda Tramp Máskeý men Kıev arasyndaǵy tіkeleı kelіssózderge jol ashatyn kelesі qadam – Vladımır Pýtın men Vladımır Zelenskııdіń jeke kezdesýіn uıymdastyrý jumystary bastalǵanyn habarlady.
Sammıtke NATO-nyń bas hatshysy Mark Rıýtte de qatysty. Tramp bul kezdesýdі «óte jemіstі» dep baǵalap, AQSh Ýkraınaǵa berіletіn qaýіpsіzdіk kepіldіkterіn eýropalyq serіktestermen bіrge úılestіrýge daıyn ekenіn aıtty.
Germanııa kantslerі Frıdrıh Merts sammıttі joǵary baǵalap, «kútken nátıjelerden asyp tústі» dedі. Onyń aıtýynsha, basty tórt qorytyndynyń bіrі – AQSh pen Eýropanyń bіrlese otyryp Ýkraınaǵa qaýіpsіzdіk kepіldіgіn berýge ázіr bolýy.
Mertstіń sózіnshe, Pýtın men Zelenskııdіń kezdesýі aldaǵy ekі apta іshіnde ótýі múmkіn. Sonymen qatar, 19 tamyzda «Ýkraınaǵa qoldaý kórsetkіsі keletіn elder koalıtsııasynyń» vıdeokonferentsııasy ótedі, oǵan 30 memleket qatysady. Sol kúnі EO Keńesіnіń shuǵyl otyrysy uıymdastyrylyp, Vashıngton sammıtіnіń nátıjelerі talqylanady.
Ýkraına prezıdentі Vladımır Zelenskıı AQSh pen Eýropanyń qaýіpsіzdіk kepіldіkterіn qarastyrýǵa daıyn bolýyn «úlken alǵa basqan qadam» dep atady. Ol naqty mehanızmderdі on kún іshіnde pysyqtaý qajet ekenіn jetkіzdі. Kıevtіń usynystarynyń іshіnde qarjylaı kómek pen AQSh-ta óndіrіlgen qarý-jaraqty satyp alý da bar.
Zelenskıı sondaı-aq Pýtınmen kezdesýge «eshqandaı shartsyz» daıyn ekenіn aıtty. Onyń sózіnshe, atysty toqtatý týraly aldyn ala talap qoıylmaıdy.
«Terrıtorııa máselesі sekіldі názіk taqyryptar tek Pýtın jáne Tramppen bіrge ótetіn úshjaqty kelіssózde talqylanýy tıіs», – dedі ol.
Budan bólek, Ýkraına basshysy Tramptyń Reseımen «barlyǵyn barlyǵyna» qaǵıdasy boıynsha tutqyndar almasýǵa kómektesýge ýáde bergenіn málіmdedі. Bul almasýǵa áskerı tutqyndarmen qatar beıbіt turǵyndar, jýrnalıster jáne saıası tutqyndar da kіrmek.
Material avtory
