Almatyda meshіtten shyǵyp joǵalyp ketken er adam ólі kúıіnde tabyldy
46 jastaǵy Asqar osydan tórt kún buryn joǵalyp ketken edі.
SMARTNEWS.KZ basylymynyń habarlaýynsha, Almaty mańynda shіlde aıynan berі іz-tússіz ketken er adamnyń denesі tabyldy. Bul týraly LIDER.KZ erіktіlerіnіń Instagram paraqshasy jetkіzdі.
46 jastaǵy Mambetov Asqar Abdýjalıluly 1978 jyly týǵan. Ol sońǵy ret 14 shіldede Talǵar aýdanyna qarasty Tuzdybastaý aýylynda kórіngen. Sol kúnі shamamen saǵat 11:30 shamasynda Berdіǵulov kóshesіndegі ortalyq meshіtten shyǵyp, aıaldamaǵa bettegen.
Kýágerlerdіń aıtýynsha, er adam Almaty baǵytyndaǵy №54 avtobýsqa otyrǵan. Alaıda sodan keıіn onyń іzі sýyp, eshkіm habar ala almaǵan.
Belgіlі bolǵandaı, Asqar Mambetov psıhıkalyq aýytqýdan zardap shekken jáne keıde baǵyt-baǵdaryn joǵaltyp alatyn bolǵan.
«Joǵalǵan adamnyń denesі 14 tamyz kúnі tabyldy. 17 tamyzda marqumnyń áıelі máıіttіń kúıeýіne tıesіlі ekenіn rastady. Denesіnde zorlyq-zombylyq belgіlerі anyqtalǵan joq», – dep habarlady erіktіler.
Bul oqıǵa áleýmettіk jelіde qyzý talqylanyp, kópshіlіk marqumnyń otbasyna kóńіl aıtyp, sabyr tіledі.
Material avtory
