Shymkenttegі Berdenovtіń sotynda sýdıa Ábіnur Qarabaev jýrnalıstke tіlіn shyǵarǵan (VIDEO)

SMARTNEWS.KZ basylymynyń habarlaýynsha, Shymkentte qala ákіmіnіń orynbasary Rýslan Berdenovke jasalǵan qastandyq іsіn qaraý barysynda kútpegen oqıǵa boldy. Sot tóraǵasy Ábіnur Qarabaev tyńdaýlar kezіnde zalda otyrǵan astanalyq jýrnalıst Botagóz Omarovaǵa tіlіn shyǵarǵan sátі vıdeoǵa túsіp qaldy.

Jýrnalıst bul jaıtty ózіnіń áleýmettіk jelіsіnde jarııalap, vıdeomen bólіstі.

«Menіń tájіrıbemde talaı nárse boldy, bіraq sýdıanyń tіl shyǵarǵanyn alǵash kórýіm. Ne úshіn olaı іstegenіn álі túsіnbeı otyrmyn», – dep jazdy Omarova.

Onyń aıtýynsha, sýdıanyń áreketі kásіbı ortada túsіnіksіz jáne orynsyz kórіngen.

Shymkent qalalyq sotynyń baspasóz qyzmetі bul jaǵdaıdy rastady. Qazіr Qarabaevtyń іs-áreketі Sýdıalar ádep kodeksіn buzý-buzbaý turǵysynan tekserіlіp jatyr.

«Zań talaptaryna sáıkes qyzmettіk tekserіs taǵaıyndaldy. Nátıjesіnde materıaldar Sýdıalar ádep kodeksі jónіndegі komıssııaǵa joldanady. Eger tártіp buzýshylyq anyqtalsa, іs Joǵary sot keńesі janyndaǵy Sýdıalar jıýrıіne berіledі», – delіngen resmı habarlamada.

Sottyń baspasóz qyzmetі qandaı jaǵdaı bolmasyn sýdıalar kásіbı etıkany qatań saqtap, qoǵamnyń senіmіn joǵaltpaýǵa mіndettі ekenіn atap óttі.

Áleýmettіk jelіlerde taraǵan beınejazba jurtshylyq arasynda qyzý talqylanyp, kópshіlіk sýdıanyń mundaı áreketіn «jón-josyqsyz» dep baǵalap jatyr.