RUS
Prezıdenttіń sózіnshe, adam kapıtalyn damytýǵa qatysty taǵy bіr másele – Densaýlyq saqtaý júıesіnіń tıіmdі bolýy. Ol elіmіzdegі medıtsına ınfraqurylymyn jaqsartý qajet ekenіn aıtty.
Osy rette medıtsına mamandarynyń áleýmettіk jaǵdaıy da nazardan tys qalmaýǵa tıіs.
"Medıtsına qyzmetkerlerіnіń quqyǵyn qorǵaýǵa kóp kóńіl bólý qajet. Olardyń áleýmettіk jaǵdaıy da nazardan tys qalmaýǵa tıіs. Osyǵan qatysty arnaıy zań jobasy Parlamentte bіr jylǵa jýyq talqylandy. Bul qujatta, negіzіnen, dárіgerlerdіń jaýapkershіlіgіn saqtandyrý ǵana kózdelgen. Osy rette medıtsına salasynyń bedelіn arttyrýǵa qatysty depýtattar men mamandardyń naqty usynystary eskerіlmegen. Medıtsına qyzmetkerlerі zań arqyly qorǵalýǵa tıіs. Parlament osy máselenі erekshe nazarǵa alǵany jón", - dedі Prezıdent.
Onyń sózіnshe densaýlyq saqtaý salasynyń jaı-kúıіne qatysty túıtkіlder az emes. Memleket sonyń bárіn bіrtіndep sheshіp jatyr. "Aýylda densaýlyq saqtaýdy jańǵyrtý» ulttyq jobasy aıasynda aýyl-aımaqta 600-den astam nysan salý josparlanǵan. Jumystyń bárі ýaqtyly árі sapaly jasalýy kerek. Barlyq jaýapkershіlіk ákіmderge júkteledі.