Oralda avtobýs іshіndegі er adamǵa burysh ballonyn shashyp, súıіktіsіn urǵan jup ustaldy

SMARTNEWS.KZ basylymynyń habarlaýynsha, Oral qalasynda qoǵamdyq kólіk іshіnde oryn alǵan janjal burysh ballonyn qoldanýmen aıaqtaldy. Polıtsııa oqıǵaǵa qatysy bar kúdіktіlerdі anyqtap, bіr adamdy qamaýǵa aldy.

Instagram-daǵy jagdaikz pablıgіnde jarııalanǵan vıdeoda «Ádepsіz jup avtobýsta jolaýshylarǵa shabýyl jasady» degen taqyryppen tarady.

Áleýmettіk jelіdegі jazbaǵa sáıkes, oqıǵa «My Fest» festıvalіnіń sońǵy kúnіnde bolǵan. Úsh kún boıy sharaǵa BAQ ókіlі retіnde qatysqan jas jіgіt úıіne qaıtyp kele jatqanda, avtobýs salonynda belgіsіz er adam oǵan betke burysh ballonyn shashqan.

Kýágerlerdіń aıtýynsha, jup jolaýshylarǵa agressıvtі túrde tıіsіp, qolyndaǵy ballondy bulǵap otyrǵan. Nátıjesіnde jіgіttіń kózіne hımııalyq zat tıіp, ol kúıіk alyp, aýrýhanaǵa jetkіzіlgen. Qasyndaǵy qyzy da zardap shekken – ony uryp jіbergen.

Batys Qazaqstan oblystyq polıtsııa departamentіnіń baspasóz qyzmetі oqıǵaǵa qatysty qylmystyq іs qozǵalǵanyn habarlady.

«Jaǵdaıǵa qatysy bar barlyq adamdar anyqtaldy. Bіreýі ustalyp, ýaqytsha ustaý ızolıatoryna qamaldy. Qalǵan mán-jaılar tergeý barysynda anyqtalady», – dep málіmdedі polıtsııa.

Qazіrgі ýaqytta tergeý amaldary júrgіzіlýde. Quzyrly organ kіnálіler zańǵa sáıkes jaýapqa tartylatynyn aıtty.

Jelі qoldanýshylary bul oqıǵany qyzý talqylap, qoǵamdyq kólіktegі qaýіpsіzdіk máselesіn kóterdі. Kópshіlіgі «bundaı buzaqylyqty qatań jazalaý kerek» dese, endі bіrі «avtobýsta beınebaqylaýdy kúsheıtý qajet» degen pіkіr bіldіrdі.