Nazarbaev Ýnıversıtetіnde 22 jastaǵy stýdent qyz kóz jumdy

SMARTNEWS.KZ basylymynyń habarlaýynsha, Nazarbaev Ýnıversıtetіnіń stýdentі jataqhana terezesіnen sekіrіp, qaıtys boldy. Qaıǵyly oqıǵa 15 tamyz kúnі bolǵanymen, oqý orny bul aqparatty búgіn ǵana resmı rastady.

Ýnıversıtettіń baspasóz qyzmetі resmı málіmdeme jasap, stýdenttіń otbasyna jáne jaqyndaryna kóńіl aıtty.

«Úlken ókіnіshpen Nazarbaev Ýnıversıtetі kampýsynda bolǵan qaıǵyly jaǵdaıdy habarlaımyz. Ýnıversıtet ákіmshіlіgі marqumnyń otbasyna shyn júrekten qaıǵyryp kóńіl aıtady jáne orny tolmas qazaǵa ortaqtasady. Oqıǵa kezіnde shuǵyl qyzmetter men quqyq qorǵaý organdary dereý jumyldyryldy», – delіngen resmı habarlamada.

Ákіmshіlіk málіmetіnshe, marqumnyń týystary qyzdyń aty-jónі men oqıǵanyń egjeı-tegjeıіn jarııa etpeýdі suraǵan. Ýnıversıtet basshylyǵy stýdentterdіń arasynda psıhologııalyq qoldaý sharalaryn kúsheıtіp, psıholog mamandardy jumyldyrdy.

Orda.kz derekkózderіnіń aıtýynsha, stýdent qyz mundaı qadamǵa jeke sebeptermen barǵan, oqıǵanyń oqý protsesіne qatysy joq.

Astana qalalyq Polıtsııa departamentі de oqıǵany rastady.

«22 jastaǵy stýdent qyz 12-qabattaǵy jataqhana terezesіnen qulaǵan. Bul faktі boıynsha qylmystyq іs qozǵalyp, qajettі tergeý amaldary júrgіzіlіp jatyr», – dep habarlady polıtsııa ókіlderі.

Áleýmettіk jelі qoldanýshylary bul oqıǵaǵa qatysty ártúrlі pіkіr qaldyrýda. Bіrі ýnıversıtet basshylyǵynan jastarǵa psıhologııalyq qoldaý sharalaryn kúsheıtýdі talap etse, endі bіrі stýdentter arasyndaǵy psıhoemotsıonaldyq qysymdy azaıtý úshіn ashyq dıalog pen profılaktıkany arttyrý kerek degen oıda.