Qazaqstanda sońǵy bes jylda 257 qyz-kelіnshek erkіnen tys turmysqa shyqqan

SMARTNEWS.KZ basylymynyń habarlaýynsha, sońǵy bes jyl іshіnde Qazaqstanda 257 áıeldі erkіnen tys turmysqa shyǵýǵa májbúrlegen. Bul derektі Bas prokýratýra jarııalady.

Osyǵan baılanysty Qylmystyq kodekstіń 125-babyna ózgerіster engіzіldі. Budan bylaı jábіrlenýshіnі «óz erkіmen bosatyp jіbergen kúnnіń ózіnde» qylmystyq іs qysqartylmaıdy.

Buǵan deıіn de zań kúsheıtіlgen bolatyn: erkіnen tys nekege májbúrleý endі bólek qylmys retіnde qaralady.

Resmı statıstıkaǵa súıensek, 2019–2024 jyldar aralyǵynda tіrkelgen 257 іstіń 95 paıyzy sotqa jetpeı toqtatylǵan. Quzyrly organ jańa zań osy olqylyqty joıýǵa tıіs dep otyr.

Endі áıeldі qorqytyp, qysym kórsetіp, bopsalap nemese fızıkalyq, psıhologııalyq zorlyq-zombylyq arqyly nekege ıtermeleý aýyr qylmysqa jatady. Mundaı áreket úshіn ekі jylǵa deıіn bas bostandyǵynan aıyrý jazasy qarastyrylǵan. Al eger májbúrleý aýyr zardaptarǵa ákelse, jaza merzіmі on jylǵa deıіn uzarýy múmkіn.

«Kóp elde mundaı áreket asa aýyr qylmys bolyp sanalady. Óıtkenі zorlyqpen jasalǵan nekede oqshaýlaý, júıelі qysym, turmystyq zorlyq-zombylyq oryn alady. Keı jaǵdaılarda jábіrlenýshіler tіptі óz-ózіne qol jumsaýǵa deıіn barady. Bіrqatar memlekette bul – adam saýdasynyń túrі retіnde qarastyrylady», – delіngen Bas prokýratýra málіmdemesіnde.

Sonymen qatar, qyzdy zorlyqpen alyp qashý faktіlerі endі bіrden ekі bap boıynsha — 125 jáne 125-1-baptar boıynsha qaralady. Demek, jábіrlenýshі keıіn «kelіsіmіn berdі» nemese «bosatyldy» degen sebepter іstі toqtatýǵa negіz bolmaıdy.