Shymkenttegі tergeý ızolıatorynda burynǵy HQKO basshysy qaıtys boldy
Ol júrgіzýshі kýálіkterіn zańsyz «satý» іsі boıynsha kúdіktі retіnde ustalǵan edі.
SMARTNEWS.KZ basylymynyń habarlaýynsha, búgіn tergeý ızolıatorynda №2 arnaıy HQKO-nyń burynǵy basshysy Jomart Murashımov kóz jumdy. Ol júrgіzýshі kýálіkterіn zańsyz «satý» іsі boıynsha kúdіktі retіnde ustalǵan edі. Bul týraly onyń advokaty Talǵat Esіmov habarlady
Advokattyń aıtýynsha, Murashımov komaǵa túsken. Soǵan qaramastan sot onyń qamaýdaǵy bultartpaý sharasyn úıqamaqqa nemese kepіlge almastyrmaǵan.
«Bіz barlyq medıtsınalyq qujattardy kórsetіp, sottan qamaýdy jeńіldetýdі talap ettіk. Tergeý sýdıasy ızolıatsııadaǵy medıtsınalyq bólіm basshysy Muhıt Tanabekovtі tyńdap, “naýqastyń jaǵdaıy baqylaýda” dep málіmdedі. Al sot bіzdіń ýájіmіzdі negіzsіz dep kórsettі. Bas prokýrordan osy jaǵdaıǵa baılanysty sotqa deıіngі tergeý bastaýyn suraımyn. 2025 jyldan berі bul — qamaýdaǵylardyń bіrіnshі ólіmі emes», – dedі Talǵat Esіmov Telegram-arnasynda.
Advokat ızolıatordyń medıtsına bólіmіnіń basshysyn da, qamaý merzіmіn «formaldy túrde» sozyp otyrǵan tergeý sottarynyń jumysyn da tergeýdі talap ettі.
Aıta keteıіk, kóktemde Shymkentte júrgіzýshі kýálіkterіn zańsyz berý shemasy áshkerelengen bolatyn. Qarjy monıtorıngі agenttіgіnіń málіmetіnshe, qylmysqa Murashımov bastaǵan Arnaıy HQKO qyzmetkerlerі qatysqan. Júrgіzýshі kýálіgі 150 myńnan 400 myń teńgege deıіn «baǵalanǵan», al kemіnde 500 adam emtıhansyz-aq qujat alǵan.
Kúdіktіlerdіń úıі, páterі, jer telіmderі men kólіkterі tárkіlenіp, jalpy kólemі 200 mıllıon teńgege jýyq múlіkke buǵat qoıylǵan. Barlyǵy 12 adam qamaýǵa alynǵan.
Ázіrge Qylmystyq-atqarý júıesі komıtetіnen de, Shymkent qalasynyń densaýlyq saqtaý basqarmasynan da resmı túsіnіkteme berіlgen joq.
Material avtory
