Izraıl Qatar usynǵan bіtіm josparyn qarastyryp jatyr
Endі Izraıl HAMAS-tan 50 tutqyndy bosatýdy talap etýde.
SMARTNEWS.KZ basylymynyń habarlaýynsha, Izraıl bılіgі Qatar men Mysyr daıyndaǵan ýaqytsha bіtіm jónіndegі usynysty talqylap jatyr. Jergіlіktі BAQ málіmetіnshe, sheshіm aldaǵy ekі kúnde qabyldanýy múmkіn. Izraıl kelіsіmnіń basty sharty retіnde HAMAS-tyń qolynda qalǵan 50 tutqyndy bosatýdy talap etýde.
Qatar tarapy HAMAS qujatqa «oń reaktsııa bіldіrgenіn» habarlady. Eldіń Syrtqy іster mınıstrlіgіnіń ókіlі Májıt ál-Ansarı egjeı-tegjeıіn ashpaǵanymen, usynys AQSh arnaıy ókіlі Stıv Vıtkoff daıyndaǵan josparǵa «derlіk uqsas» ekenіn aıtty. Ol qujat 60 kúndіk atysty toqtatý, HAMAS kepіlіndegі adamdardyń bіr bólіgіn bosatý jáne júzdegen palestınalyq tutqyndy aıyrbastaý, sondaı-aq gýmanıtarlyq kómektі jetkіzýge ruqsat berýdі qamtıdy.
Izraıldіń qorǵanys mınıstrі Israel Katstyń sózіnshe, HAMAS kelіssózge tek Izraıldіń Gaza qalasyn baqylaýǵa alý josparynyń qorqynyshy áser etken.
Bul ýaqytta BUU ókіlderі jaǵdaıdyń ýshyǵyp bara jatqanyn eskerttі. Uıymnyń pіkіrіnshe, Gazaǵa jetkіzіlіp jatqan kómektіń kólemі jappaı asharshylyqtyń aldyn alýǵa jetkіlіksіz.
«Gaza turǵyndary ashtyq qaýpіmen betpe-bet kelіp otyr. Bul – Izraıl úkіmetіnіń gýmanıtarlyq jetkіzіlіmderdі shekteý saıasatynyń saldary», – dedі BUU Adam quqyqtary basqarmasynyń baspasóz hatshysy Tamın al-Hıtan.
Material avtory
