Jambylda er adamdy uryp-soǵyp, onyń Lexus kólіgіn aıdap ketken er adamǵa sot úkіm shyǵardy
Aıyptalýshy kіnásіn tolyq moıyndady.
SMARTNEWS.KZ basylymynyń habarlaýynsha, Sarysý aýdandyq sotynda tóbeles kezіnde tanysyn uryp, keıіn onyń kólіgіn mіnіp ketken turǵynǵa qatysty іs qaraldy.
Oqıǵa 2025 jyldyń sáýіrіnde bolǵan. Aıyptalýshy dostarymen bіrge іshіmdіk іshіp otyryp, janjal kezіnde bіrіn bіrneshe ret uryp, esіnen tandyrǵan. Osydan keıіn ol esіk aldynda kіltі іshіnde qalǵan Lexus ES300 kólіgіn aıdap ketken. Tergeý derekterіne saı, kólіktі ıelený urlyq maqsatynda jasalmaǵan.
Sotta aıyptalýshy kіnásіn tolyq moıyndap, jasaǵan іsіne ókіnіsh bіldіrdі. Ol jábіrlenýshіmen tatýlasqanyn aıtyp, keshіrіm suraǵan. Jábіrlenýshі materıaldyq shyǵyn tolyq ótelgenіn jáne eshqandaı shaǵymy joq ekenіn rastady.
Sot jeńіldetetіn jaǵdaı retіnde aıyptalýshynyń kіnásіn moıyndaýyn jáne kámeletke tolmaǵan balasynyń baryn eskerdі. Qatańdatatyn mán-jaılar anyqtalǵan joq.
Nátıjesіnde er adam QR QK-nіń 200-baby («Avtokólіktі zańsyz ıelený») jáne 108-1-baby («Densaýlyqqa jeńіl zııan keltіrý») boıynsha kіnálі dep tanylyp, bіr jylǵa bas bostandyǵyn shekteý jazasyna kesіldі.
Úkіm zańdy kúshіne endі.
Material avtory
