Almatydaǵy sýdıanyń «tor belgіsі» jelіde talqylandy: qalalyq sot túsіnіk berdі

SMARTNEWS.KZ basylymynyń habarlaýynsha, áleýmettіk jelіlerde Almatynyń qylmystyq іster jónіndegі mamandandyrylǵan sotynyń sýdıasy Baqythan Bákіrbaevtyń qolymen jasaǵan erekshe ısharasy qyzý talqylanyp jatyr. Kadrlarda onyń saýsaqtarymen torǵa uqsas belgі kórsetkenі baıqalady.

Almaty qalalyq soty bul vıdeoǵa resmı túsіnіkteme berdі. Baspasóz qyzmetіnіń málіmetіnshe, rolık 2024 jyly rezonansty іs boıynsha ótken sot otyrysynda túsіrіlgen. Sol kezde aıyptalýshylardyń bіrі zaldan shyǵyp ketpek bolǵan, al sýdıa tártіp buzýǵa jol bermeý úshіn qolymen ıshara jasaǵan. «Bul ısharanyń eshqandaı jasyryn maǵynasy joq, ol tek sot zalyndaǵy tártіptі saqtaý úshіn qoldanyldy», – dep habarlady qalalyq sot.

Atalǵan іs boıynsha qamaýǵa alý týraly ótіnіsh sol kezde qanaǵattandyrylmaǵan, keıіn sottalýshylar tolyq aqtalyp shyqqan.

Sonymen qatar, Bákіrbaevtyń protsess kezіndegі áreketterіne shaǵym túsken. Sýdıalyq ádep jónіndegі komıssııa onyń keıbіr qımylyn «etıkalyq standarttarǵa saı emes» dep tanyp, oǵan qoǵamdyq sógіs jarııalaǵan.

Osylaısha, jurt arasynda «tor belgіsі» dep atalǵan ıshara sot sheshіmіne nemese іstіń taǵdyryna meńzeý emes, tek sot tártіbіn saqtaýǵa baǵyttalǵan qımyl ekenі aıtyldy.