Áleýmettіk jelіdegі «tanymaldylyq» úshіn: astanalyq jіgіt qonaqúıler men meıramhanalardy 8 mln teńgege aldaǵan
Ol jalǵan túbіrtek arqyly qymbat qonaqúıde bіrneshe kún boıy dostarymen bіrge turyp, taǵam men sýsynǵa tapsyrys bergen.
SMARTNEWS.KZ basylymynyń habarlaýynsha, Astanada 3 jylǵa bas bostandyǵynan aıyrylǵan er adam 5 aı boıy elıtalyq qonaqúılerde turyp, qymbat meıramhanalarda as іshken, tіptі brendtі kıіmder alǵan. Ol qyzmetterdі tóleý úshіn jalǵan bank tólem túbіrtekterіn jіbergen.
Tergeý derekterіne qaraǵanda, alaıaq banktіń mobıldі qosymshasy arqyly jalǵan tólem qujattaryn jіbergen. Al zardap shekkender onyń túbіrtekterіnіń shynaıylyǵyn teksermeı, taýar men qyzmettі usynǵan.
Prokýratýranyń málіmetіnshe, bіr jaǵdaıda ol qymbat qonaqúıde bіrneshe kún boıy dostarymen bіrge turyp, taǵam men sýsynǵa tapsyrys bergen. Qyzmetkerlerdіń senіmіn paıdalanyp, jalǵan túbіrtek kórsetken. Tek osy oqıǵanyń ózіnde qonaqúı 4,4 mln teńge shyǵynǵa batty.
Sotta kúdіktі kіnásіn tolyq moıyndap, mundaı áreketke áleýmettіk jelіde áserlі ómіr kórsetіp, tanymal bolý úshіn barǵanyn aıtqan. Ol paraqshasynda óz sýretterіn jarııalap, ózіn tabysty kásіpker retіnde tanystyrǵan.
Jalpy shyǵyn kólemі 8 mln teńgeden asty. Sot úkіmі boıynsha ol 3 jylǵa bas bostandyǵynan aıyryldy. Materıaldyq shyǵyn óndіrіldі. Úkіm álі zańdy kúshіne engen joq.
Qalalyq prokýratýra kásіpkerlerdі osyndaı jaǵdaıǵa urynbas úshіn tólem qujattarynyń túpnusqalyǵyn tekserýdі eskertedі.
Material avtory
