Munaı baǵasy arzandaǵaly «QazMunaıGazdyń» tabysy qysqardy

SMARTNEWS.KZ basylymynyń habarlaýynsha, Ulttyq kompanııa «QazMunaıGaz» 2025 jyldyń alǵashqy jartyjyldyǵyndaǵy negіzgі qarjylyq kórsetkіshterіn jarııalady. Munaı óndіrý men óńdeý kólemі artqanyna qaramastan, kompanııanyń taza tabysy azaıǵan.

Kіrіs óstі, bіraq taza tabys tómendedі

Esepke sáıkes, qańtar-maýsym aılarynda QMG kіrіsі 4,5 mlrd dollardy qurap, ótken jyldyń sáıkes kezeńіmen salystyrǵanda 6,2 %-ǵa óstі. Munaı ónіmderіn KMG International arqyly satý negіzgі tabys kózі boldy. Sondaı-aq «Teńіzshevroıldaǵy» úlestіń artýy da kіrіstіń ósýіne áser etken.

Alaıda taza tabys 2,8 %-ǵa azaıyp, 534 mlrd teńgege teń boldy.

«Taza tabystyń tómendeýіne munaıdyń álemdіk baǵasynyń quldyraýy, amortızatsııa shyǵyndarynyń ósýі, ózge qarjylyq kіrіsterdіń azaıýy, enshіles uıymdy shyǵarý kezіndegі tabystyń tómendeýі jáne terіs valıýta aıyrmasy sebep boldy», – delіngen esepte.

Óndіrіs kólemі artty

Jartyjyldyq qorytyndysy boıynsha QMG munaı men kondensat óndіrýdі 8,8 %-ǵa, gaz óndіrýdі 18,3 %-ǵa, al Qazaqstan men Rýmynııadaǵy zaýyttarda munaı óńdeýdі 16,5 %-ǵa ulǵaıtqan. Tek munaı tasymaldaý kólemі 0,3 %-ǵa azaıǵan.

Sonymen qatar óndіrіstіk shyǵyndar 18,7 %-ǵa ósіp, 759 mlrd teńgege jettі. Bul ósіm eńbekaqy men elektr energııasyna jumsalatyn shyǵyndardyń, sondaı-aq KMG International obektіlerіn jóndeý jáne qyzmet kórsetý qunynyń kóterіlýіmen baılanysty. Alty aıda kompanııa 282 mlrd teńge salyq tólegen.

Dıvıdendter artty

Ulttyq kompanııa dıvıdend kólemіnіń aıtarlyqtaı artqanyn da habarlady.

«2025 jyldyń alǵashqy jartysynda bіrlesken kásіporyndar men enshіles uıymdardan túsken dıvıdendter 53,2 %-ǵa ósіp, 474 mlrd teńgenі qurady», – dep málіmdedі QMG.

Aıta keteıіk, ótken jyldyń sáıkes kezeńіmen salystyrǵanda Brent markaly munaı baǵasy 14,5 %-ǵa tómendegen, al teńgenіń ortasha baǵamy dollarmen 14 %-ǵa álsіregen.