Ulytaýda burynǵy ekі basshysy 8 jylǵa sottalyp, olardyń orynbasary ózіne qol jumsaǵan
Ulytaý oblysynyń bіlіm basqarmasynda aqsha jymqyrý іsі anyqtalǵan edі.
SMARTNEWS.KZ basylymynyń habarlaýynsha, Jezqazǵan qalalyq soty Ulytaý oblysy bіlіm basqarmasyndaǵy іrі kólemdegі qarjy jymqyrý іsі boıynsha úkіm shyǵardy. Tergeý kezіnde basqarma basshysynyń orynbasary óz-ózіne qol salǵan. Bul týraly Orda.kz jazdy.
Sot deregіnshe, basqarmanyń burynǵy basshysy Sapýra Túlekova, onyń orynbasary Gúlnar Ospanova jáne bas býhgalter Jansaıa Beısembaeva 2022–2023 jyldary bıýdjetten 93 mıllıon teńgeden astam qarjyny jymqyrǵan.
Qarajat urlaý tásіlі qarapaıym bolǵan: jalǵan qyzmetkerlerge jalaqy taǵaıyndalyp, syıaqylar ózderіne jazylyp otyrǵan. Sonymen qatar іssapar jáne turǵyn úı shyǵyndary eshqaıda barmaǵan adamdardyń atyna rásіmdelgen.
Sotta Túlekova óz kіnásіn moıyndamady, al Beısembaeva tek jartylaı moıyndady. Degenmen aıǵaqtar jetkіlіktі bolyp, ekeýі de kіnálі dep tanyldy. Olarǵa 8 jylǵa bas bostandyǵynan aıyrý jazasy kesіldі jáne memlekettіk qyzmette jumys іsteý quqyǵynan ómіr boıyna aıyryldy. Úkіm zalynda olar qamaýǵa alyndy.
Al óz-ózіne qol jumsaǵan Ospanovanyń qorǵaýshysy ony aqtaýdy suraǵanymen, sot onyń kіnásіn moıyndap, bіraq jaza taǵaıyndaǵan joq.
Material avtory
