Tramp Zelenskıı men Pýtınnіń kezdesýіn uıymdastyrýdan bas tartty
Pýtınmen telefon arqyly sóıleskende Reseı basshysy kelіssózdі Máskeýde ótkіzýdі usynǵan.
SMARTNEWS.KZ basylymynyń habarlaýynsha, AQSh prezıdentі Donald Tramp Ýkraına men Reseı kóshbasshylarynyń kelіssózderіn uıymdastyrýǵa aralasýdan bas tartty.
The Guardian jazǵandaı, Aq úıdegі derekkózder Tramp endі Kıev pen Máskeý kelіssózderdі ózderі uıymdastyrýy tıіs dep sanaıtynyn málіmdedі. Onyń pіkіrіnshe, bul – soǵysty toqtatýǵa jasalatyn kelesі qadam.
Amerıkalyq prezıdent Zelenskıı men Pýtın júzdeskennen keıіn ǵana ózіnіń qatysýymen úshjaqty sammıt ótkіzýdі josparlap otyr. Alaıda bul kezdesý ótetіnі ázіrge belgіsіz.
Aıta keteıіk, buǵan deıіn Tramp 18 tamyzda Zelenskıı jáne EO lıderlerіmen kezdeskende ekі tarapty kezdestіrý boıynsha daıyndyq bastalǵanyn aıtqan edі. Al AFP habarlaýynsha, Pýtınmen telefon arqyly sóıleskende Reseı basshysy kelіssózdі Máskeýde ótkіzýdі usynǵan. Bіraq Vladımır Zelenskıı bul usynystan bas tartyp, kez kelgen basqa formatta júzdesýge daıyn ekenіn rastady:
«Bіz kez kelgen formattaǵy kezdesýge daıynbyz. Bul nıetіmdі barlyq eýropalyq kóshbasshylar da qoldady», – degen bolatyn Ýkraına prezıdentі.
Kezdesýdіń ótýі múmkіn oryndary retіnde Býdapesht, Máskeý jáne Jeneva atalǵan.
Material avtory
