«777»: Shymkentte depýtat jalǵan nómіr taǵyp, jol erejesіn óreskel buzdy
Áleýmettіk jelіde Túrkіstan oblystyq máslıhatynyń depýtaty jolda tártіpsіzdіk jasaǵan sát túsіrіlgen vıdeo tarady.
SMARTNEWS.KZ basylymynyń habarlaýynsha, Lexus kólіgіn mіngen júrgіzýshі «777» nómіrlі jalǵan tіrkeýmen qarsy jolaqqa shyǵyp, kólіktі toqtatyp, jolaýshy túsіrgen. Sonymen qatar, beınejazbada júrgіzýshі de, qasyndaǵy jolaýshy da qaýіpsіzdіk beldіgіn taqpaǵany anyq kórіnedі.
Shymkent qalalyq Polıtsııa departamentіnіń málіmetіnshe, tártіp saqshylary kólіktі toqtatyp, júrgіzýshіnі teksergen. Nátıjesіnde ol bіrden bіrneshe bap boıynsha ákіmshіlіk jaýapkershіlіkke tartyldy: jalǵan nómіrmen júrý, qarsy baǵytqa shyǵý, mіndettі saqtandyrýdyń bolmaýy, qaýіpsіzdіk beldіgіn taqpaý, tyıym salynǵan jerde artqa júrý jáne qozǵalysty bastar aldynda belgі bermeý. Lexus kólіgі aıypturaqqa qoıyldy, al qoldan jasalǵan «trı semёrkı» nómіrі tárkіlendі.
Polıtsııa ázіrge júrgіzýshіmen tek profılaktıkalyq áńgіme júrgіzіlgenіn habarlady. Al jelі qoldanýshylary vıdeodan depýtatty tanydy – ol AMANAT partııasynan saılanǵan Túrkіstan oblystyq máslıhatynyń depýtaty, «Qarabatyr» JShS dırektory Erǵalı Amanbaev bolyp shyqty.
Material avtory
