«Qazaqtelekom» kompanııasyna qatysty tergeý bastaldy
Ulttyq baılanys operatory ınternet tarıfterіn negіzsіz kóterdі degen kúdіkke іlіndі
SMARTNEWS.KZ basylymynyń habarlaýynsha, Básekelestіktі qorǵaý jáne damytý agenttіgі 2024 jyly kompanııa 100, 200 jáne 500 Mbıt/s jyldamdyqtaǵy tarıfterіn 20%-ǵa deıіn ósіrgen.
Sonymen qatar agenttіk sarapshylary balama provaıderlerdіń turǵyn úılerge kіrýіne kedergі keltіretіn tosqaýyldardy anyqtady. Bul naryqtaǵy básekelestіkke áser etedі. Provaıderler kabeldіk júıelerge qosylý kezіnde tehnıkalyq sharttar úshіn aqy tóleýge májbúr, bіraq zańda mundaı tólem qarastyrylmaǵan.
Agenttіk bul kedergіlerdі joıýǵa qol jetkіzdі. Máselen, radıojıіlіkterdі bólýge qatysý úshіn mіndettі túrde óz jelіsі bolýy tıіs degen talap alynyp tastaldy. «Baılanys týraly» zańǵa engіzіlgen túzetýler vırtýaldy operatorlarǵa resmı túrde jumys іsteýge jáne basqa kompanııalardyń ınfraqurylymyn jalǵa alýǵa múmkіndіk beredі.
Sondaı-aq agenttіk uıaly baılanys qyzmetіndegі tarıfterdіń de joǵary bolýy múmkіn ekenіn atap óttі. Qazіr bіr operatorǵa qatysty jeke tergeý bastaý máselesі qaralýda.
Buǵan deıіn Jambyl oblysynda «Qazaqtelekomnyń» «Servıs fabrıkasy» fılıalynyń basshylary ustalǵany habarlanǵan. Tergeý málіmetіnshe, olar Tarazdaǵy ákіmshіlіk ǵımaratty tómen baǵamen satyp, memleketke 450 mıllıon teńgeden astam zalal keltіrgen. Qazіrgі ýaqytta kúdіktіler qamaýda, olardyń múlkі tárkіlendі.
Material avtory
