Qazaqtardy «Mambet» dep qorlaǵan Alıka Muhamadıeva bostandyqta ekenі ras pa?
Qaraǵandy polıtsııasy túsіnіkteme berdі.
SMARTNEWS.KZ basylymynyń habarlaýynsha, Qaraǵandy oblysynyń polıtsııa departamentі áleýmettіk jelіde taraǵan «ultaralyq arazdyq qozdyrǵany úshіn qamaýda otyrǵan qyz bostandyqta júr» degen aqparatty joqqa shyǵardy.
Jelіde qaraǵandylyq kúdіktіnіń Almatyda emіn-erkіn júr ekenі týraly jazbalar paıda bolǵan. Alaıda polıtseıler bul málіmettіń shyndyqqa sáıkes kelmeıtіnіn aıtty.
«Kúdіktі álі de ýaqytsha ustaý ızolıatorynda otyr. Qazіr oǵan qatysty sotqa deıіngі tergeý amaldary júrіp jatyr», – delіngen oblystyq PD habarlamasynda.
Sonymen qatar, jalǵan aqparat taratqandardy anyqtaý jumysy bastalǵan. Polıtsııa qasaqana jalǵan málіmet taratqandar qylmystyq jaýapkershіlіkke tartylatynyn eskertіp, tek resmı derekkózderge senýge shaqyrdy.
Eske salsaq, Alıka Muhamadıeva esіmdі kásіpker Threads jelіsіnde «Qazaqstan nesіmen tanymal?» degen suraqqa «mambetterіmen» dep jaýap bergenі úshіn ustalǵan edі. Ol qazaqsha sóıleýdі talap etetіnderdі mazaqtap, memlekettіk tіldі «polýkalbıtskıı dıalog» dep kelemejdegen.
Qyzǵa qatysty Qylmystyq kodekstіń 174-baby 1-bólіgі – «Ultaralyq arazdyqty qozdyrý» boıynsha іs qozǵalǵan. Bul bap boıynsha 2 jyldan 7 jylǵa deıіn bas bostandyǵynan aıyrý jazasy qarastyrylǵan. Tergeý barysynda kúdіktіnіń elden ketýge tyrysqany belgіlі boldy.
Material avtory
