«Astana Finance Days 2025: Bolashaqtyń negіzіn qalaıtyn kapıtal» forýmy Astanada ótedі

SMARTNEWS.KZ basylymynyń habarlaýynsha, bıylǵy іs-sharanyń taqyryby – «Bolashaqtyń negіzіn qalaıtyn kapıtal». Taqyryp aǵylshyn tіlіndegі «capital» sózіnіń qos maǵynasyn: bіrіnshіsі, Astana – Qazaqstannyń astanasy (capital) jáne Shyǵys pen Batys toǵysqan, qarqyndy damyp kele jatqan qarjy ortalyǵy, ekіnshіsі maǵynasy –  ornyqty ósýdіń qozǵaýshy kúshі retіnde kapıtaldy (capital)  bіldіredі.

Álemde kapıtal úshіn qyzý báseke kúsheıgen búgіngі zamanda qoldaǵy resýrstardy utymdy paıdalaný – klımattyń ózgerýіnen bastap ekonomıkany ósіrýge jáne tehnologııany іlgerіletýge deıіngі syn‑qaterlerdі jeńýdіń negіzgі kepіlіne aınalyp otyr.

Bıyl Astana Finance Days-te álemnіń 70-ten astam elіnen 5 000-nan asa qatysýshy –  brokerler, bankırler, ınvestorlar men ınnovatorlardy qosa alǵanda, qarjy jáne tehnologııalyq sektor, sondaı-aq memlekettіk jáne kvazımemlekettіk sektor ókіlderіnіń basy qosylady dep josparlanyp otyr.

2025 jylǵy forýmnyń úsh negіzgі taqyryptyq baǵyty bar: qarjylyq kapıtal, ınfraqurylymdyq kapıtal jáne ınstıtýtsıonaldyq kapıtal. Bul ártúrlі taqyryptardy qamtýǵa múmkіndіk beredі: spıkerler qarjy, fınteh jáne turaqty damý salasyndaǵy ózektі úrdіsterdі, retteý júıesіndegі ózgerіsterdі jáne jańa qarjylyq ónіmder – dástúrlі portfeldіk ınvestıtsııalardan bastap krıptovalıýtalarǵa deıіn talqylaıdy.

Forýmnyń basty spıkerlerіnіń bіrі – áıgіlі fýtýrolog, kásіpker árі “Bank 4.0: Jańa qarjylyq qubylys”, “Tehnosotsıalızm. Teńsіzdіk, jasandy ıntellekt pen klımattyń ózgerýі qalaı jańa álemdіk kún tártіbіn qalyptastyrady”, “Keńeıtіlgen keńіstіk dáýіrі” jáne basqa da álemdіk bestsellerlerdіń avtory Brett Kıng bolmaq.

Sonymen qatar spıkerler qatarynda: “RAKÝRS” ekonomıkalyq taldaý ortalyǵynyń dırektory Oraz Jandosov, Freedom Holding Corp. bas atqarýshy dırektory Tımýr Týrlov, Teniz Capital Investment Banking dırektorlar keńesіnіń múshesі Ǵalym Hýsaınov, Brookfield kompanııasynyń basqarýshy serіktesі árі Taıaý Shyǵys boıynsha jetekshіsі Jad Ellaýn, Goldman Sachs kompanııasynyń serіktesі Rııad IÝsýf, BNY Mellon halyqaralyq bólіmіnіń basshysy árі aǵa atqarýshy vıtse-prezıdentі Hanı Kablavı, Janus Henderson Investors kompanııasynyń Taıaý Shyǵys, Afrıka jáne Ortalyq Azııa boıynsha jetekshіsі Meshal Djaber Ál-Faras, sondaı-aq jeke bıznes, memlekettіk organdar men kvazımemlekettіk kompanııalardyń basqa da jetekshіlerі bar.

Bıylǵy forýmnyń erekshelіgі AFD Exhibition Hub – Astana Finance Days bіryńǵaı kórme platformasy bolmaq. Ol kapıtal jáne tsıfrlyq ınnovatsııalar naryǵynda jumys іsteıtіn kompanııalardy bіrіktіredі jáne oń sheshіmderdі kórsetýge, naryqtaǵy pozıtsııany jaqsartýǵa jáne strategııalyq serіktestermen tіkeleı baılanys ornatýǵa arnalǵan keńіstіktі usynady.

Forým uıymdastyrýshysy – «Astana» halyqaralyq qarjy ortalyǵy – Global Financial Centres Index reıtıngіne sáıkes Shyǵys Eýropa jáne Ortalyq Azııa óńіrіndegі №1 qarjy ortalyǵy. Astana Finance Days 2025 altyn serіktester: Freedom Broker jáne KAZ Minerals, kúmіs serіktester: Solidcore Resources, ITS jáne MYD Production, qola serіktester: ERG, LMAX Group, Teniz Capital Investment Banking, ónerkásіptіk serіktes Allur  jáne basqalarynyń qoldaýymen ótedі.

Osy sіlteme boıynsha Astana Finance Days baǵdarlamasymen tolyǵyraq tanysyp, tіrkelýge bolady.