Atyraýda «Abyroı Avto» kompanııasy 120 adamdy aldap ketken
Kólіkterdі satyp, ıelerіne aqshasyn bermeı qoıǵan alaıaqtar polıtsııa qolyna tústі.
SMARTNEWS.KZ basylymynyń habarlaýynsha, Atyraýda avtosalon atyn jamylǵan alaıaqtyq іsі áshkere boldy. «Abyroı Avto» kompanııasyna kólіkterіn senіp tapsyrǵan júzden asa adam aqshasyz, al kólіkterі basqa adamdardyń qolynda qalǵanyn aıtyp dabyl qaǵýda.
Kompanııa klıentterge kólіktі «satýǵa qabyldap», aqshany 10 kún іshіnde tolyq tóleýge ýáde bergen. Alaıda ýáde oryndalmaǵan: kólіkter avtosalon atyna rásіmdelіp, jyldam satylyp ketken. Ielerі ne aqshasyn, ne kólіgіn qaıtara almaı otyr.
«Aıtqanyna senіp edіm. 10 kúnde aqsha alasyz dedі. Ekі aı óttі – kólіk basqa qalada, al maǵan álі de “kútіńіz” deıdі», – deıdі zardap shekkenderdіń bіrі.
Aldyn ala málіmet boıynsha, 120-dan astam adam aldanǵan. Kópshіlіgі nesıemen alǵan jalǵyz kólіgіnen aıyrylǵan.
Polıtsııa «Abyroı Avto» ıelerіn qamaýǵa alǵanyn jáne «Alaıaqtyq» babymen qylmystyq іs qozǵalǵanyn rastady. Tergeý barysynda keltіrіlgen shyǵyn kólemі men basqa da kúdіktіler anyqtalyp jatyr.
Bul іstіń saldary basqa óńіrlerge de jettі. Astanada osy kompanııadan satyp alynǵan Toyota Prado tárkіlengen. Jańa qojaıyndar resmı qujattaryn kórsetkenіmen, kólіk aıǵaq retіnde alynypty.
«Patrýl úıge kelіp, esh túsіndіrmesten kólіktі alyp kettі. Eshbіr qujat kórsetken joq», – deıdі kýáger.
Polıtsııa bul árekettі Atyraýdaǵy tergeýshіnіń nusqaýymen jasaǵandaryn málіmdedі.
Zardap shekkender kіnálіlerdіń ádіl jazalanýyn jáne shyǵyndy qaıtarýdy talap etýde.
«Bul salon ashyq jumys іstedі, keńsesі bar, bárі zańdy sııaqty kórіndі. Eshkіm osyndaı qýlyqqa barady dep oılamady», – deıdі turǵyndar.
Material avtory
