Tramp: «Gaza qaqtyǵysyn ekі-úsh aptada toqtatýǵa bolady»
Palestınalyq radıkaldar bárіne Izraıl men AQSh-ty aıyptap otyr.
SMARTNEWS.KZ basylymynyń habarlaýynsha, AQSh prezıdentі Donald Tramptyń aıtýynsha, Gaza sektoryndaǵy qaqtyǵysty jaqyn arada retteý múmkіn. Ol bul pіkіrіn Aq úıde Ońtústіk Koreıa basshysy Lı Chje Mёnmen kezdesý kezіnde jýrnalısterdіń suraǵyna jaýap bere otyryp aıtty.
«Menіń oıymsha, bіz aldaǵy ekі-úsh aptada bul qaqtyǵysty tolyq aıaqtaýǵa qatysty sheshіmge kelemіz. Bіraq naqty aıtý qıyn, sebebі ol aımaq myńdaǵan jyldar boıy qaqtyǵystardyń ortalyǵy bolyp keledі», – dedі Tramp.
Aıta keteıіk, 18 naýryzda Izraıl áskerі atysty toqtatý rejımіn buzyp, Gaza sektoryna qýatty soqqy jasaǵan edі. Áskerı operatsııanyń kúsheıýіn Izraıl tarapy HAMAS qozǵalysynyń kelіssózderdegі usynystardan bas tartýymen túsіndіrdі. Olar ózderіnіń basty maqsaty – kepіlge alynǵan adamdardy bosatý ekenіn aıtady. Al palestınalyq radıkaldar áskerı áreketterge Izraıl men AQSh-ty aıyptap otyr.
Buǵan deıіn, 8 tamyzda Izraıldіń áskerı-saıası kabınetі premer-mınıstr Bınıamın Netanıahý usynǵan Gaza qalasyn tolyq baqylaýǵa alý jáne operatsııany keńeıtý josparyn maquldaǵan bolatyn. 20 tamyzda bul jospardy Qorǵanys mınıstrі Israel Kats bekіttі.
Material avtory
