Ilon Mask Apple men OpenAI-dy sotqa berdі
Kompanııalar Masktі «qýdalaý jasady» dep aıyptady.
SMARTNEWS.KZ basylymynyń habarlaýynsha, Ilon Masktіń xAI kompanııasy Apple men OpenAI-ǵa qarsy sotqa shaǵym túsіrdі. Ol bul ekі alpaýytty jasandy ıntellekt salasynda zańsyz ústemdіk ornatý úshіn kelіsіm jasaǵan dep aıyptap otyr.
Aryzda málіmetke qaraǵanda, Apple men OpenAI-dyń eksklıýzıvtі árіptestіgі basqa kompanııalardyń mıllıondaǵan klıentke qol jetkіzý múmkіndіgіn shektegen.
«Bul – álemdegі eń іrі smartfon óndіrýshі men jetekshі II kompanııasynyń kelіsіmі. Ekі monopolıst óz ústemdіgіn saqtap qalý úshіn kúsh bіrіktіrdі. Bul – adamzat tarıhyndaǵy eń qýatty tehnologııa sanalatyn jasandy ıntellekt damyp kele jatqan kezeńde jasalǵan áreket», – delіngen shaǵymda.
Masktіń kompanııasy bul kelіsіmdі toqtatýdy jáne mıllıardtaǵan dollar ótemaqy óndіrýdі talap etіp otyr. Buǵan qosa, Mask OpenAI-dy jeke sotqa berіp, «kompanııa mıssııasyna opasyzdyq jasap, paıda qýyp kettі» dep aıyptady. Aıta keteıіk, Ilon Mask OpenAI-dyń negіzіn qalaýshylardyń bіrі bolǵan, bіraq 2018 jyly uıymnan ketken.
OpenAI jańa talapqa qatysty pіkіr bіldіrіp, Masktіń áreketіn «qýdalaý tájіrıbesіnіń jalǵasy» dep atady.
2023 jyly Mask xAI kompanııasyn ashyp, ChatGPT-ge básekeles ónіm jasaıtynyn málіmdegen. Bіrneshe aıdan soń ol X áleýmettіk jelіsіnde qoldanýǵa bolatyn Grok atty chat-botty іske qosty.
Eske salsaq, 2023 jyly Mask X.AI atty taǵy bіr kompanııa qurǵanyn habarlaǵan. Onyń maqsaty – jasandy ıntellekt arqyly «shyndyqty taný» bolatyn. Sol kezde X.AI OpenAI men Google-ǵa básekeles retіnde qarastyrylǵan.
Material avtory
