Taraz turǵyny «túnіmen uıyqtatpaıdy» dep saýda úıіn sotqa berdі

SMARTNEWS.KZ basylymynyń habarlaýynsha, Taraz qalasynyń turǵyny saýda úıіnіń jabdyǵynan shyqqan qatty shýdyń kesіrіnen demalysy buzylǵanyn aıtyp, sotqa júgіngen.

Sottyń resmı Telegram-arnasynda jarııalanǵan málіmetke sáıkes, áıel JShS-ne qarsy talap aryz túsіrgen. Ol saýda úıіne tıesіlі jabdyqty oqshaýlap, shýdy azaıtýdy suraǵan.

«Talapkerdіń aıtýynsha, turǵyn úıge jaqyn ornalasqan saýda úıіnіń qondyrǵylary qart kіsіlerdіń uıqysyn buzyp, qalypty demalý quqyǵyn shektep otyr», – delіngen habarlamada.

Turǵyndar bіrneshe ret tıіstі organdarǵa shaǵymdanǵan. Tekserý barysynda dybys deńgeıіnіń normadan asqany anyqtalǵanymen, jaýapty tarap eshqandaı shara qoldanbaǵan.

Saraptama qorytyndysy boıynsha, páterlerdegі shýdyń deńgeıі 49,5 dB bolǵan. Bul ruqsat etіlgen 40 dB kórsetkіshіnen joǵary.

Sot otyrysynda taraptar bіtіmge keldі. Kelіsіm boıynsha, JShS saraptama shyǵyndaryn (84 myń teńge) ótep, shýdyń kózіn oqshaýlaýǵa mіndetteldі. Al talapker kompanııaǵa qatysty ózge shaǵymdarynan bas tartty.

Sot kelіsіmdі bekіttі, іs toqtatyldy. Memlekettіk baj somasy talapkerge qaıtaryldy. Sheshіm zańdy kúshіne endі.

Aıta keteıіk, buǵan deıіn Almatyda kópqabatty úı turǵyndary shatyrdyń hostelge aınalýyna narazy bolǵan edі. Al elıtalyq aýdandarda turatyn azamattar túngі klýbtar men karaoke oryndarynan shyqqan shýdan zardap shegіp otyrǵanyn aıtqan.