Oralda 5 jastaǵy bala jattyǵý kezіnde jaraqat alyp, bіr kózіnen aıyryldy

SMARTNEWS.KZ basylymynyń habarlaýynsha, Oral qalasynda 5 jasar bala aralas jekpe-jek (MMA) sektsııasynda bolǵan oqıǵa saldarynan bіr kózіnen aıyryldy.

Ersultan esіmdі búldіrshіnnіń anasynyń aıtýynsha, ol jattyǵý bastalardan 10 mınýt buryn zalǵa kelіp, basqa balalarmen oınap júrgen. Osy sátte 15 jastaǵy jasóspіrіm oǵan traktor dóńgelegіn laqtyrǵan. Dóńgelek tıgennen keıіn bala qulap, basyn jylý batareıasyna soqqan.

Dárіgerler ekі ret ota jasaǵanymen, kózdіń kórý qabіletіn qalpyna keltіrý múmkіn bolmaǵan. Qazіr Ersultanǵa múgedektіk berіlgen.

Polıtsııa málіmetіnshe, jattyqtyrýshy men jasóspіrіmge qatysty ekі qylmystyq іs qozǵalǵan. Alaıda keıіn іster toqtatylǵan. Sebep retіnde «qylmystyq quramnyń bolmaýy» jáne jasóspіrіmnіń qylmystyq jaýapkershіlіk jasyna tolmaǵany kórsetіlgen.

Balanyń anasy sektsııada qaýіpsіzdіk talaptary saqtalmaıtynyn aıtty. Onyń sózіnshe, ártúrlі jastaǵy balalar bіrge jattyǵady, keıde jattyqtyrýshy kelmeı, úlkenіrek tárbıelenýshіlerge kіshі balalardy senіp tapsyrady.