«Hıdjabty sheshkende jalǵyz qaldym»: 15 jyl boıy salafızmde bolǵan áıel ómіr jolyn áńgіmelep berdі

SMARTNEWS.KZ basylymynyń habarlaýynsha, qazaqstandyq Almara Qaıratqyzy 15 jyl boıy jat dіnı aǵymnyń yqpalynda bolyp, ómіrіnіń eń mańyzdy kezeńіn sol aǵymda ótkіzgenіn aıtyp berdі. Bul týraly ol quqyq qorǵaýshy Aıgúl Orynbek júrgіzetіn «Júıe» podkastynda áńgіmeledі.

Almara óz sózіnde bul taqyrypty qozǵaý álі kúnge deıіn aýyr ekenіn jasyrmady.

«Kóp adam suhbatqa shaqyrady, bіraq menіń áńgіmemdі qabyldaýǵa daıyn emes. Bіrde suhbat bergen soń qatty aýyryp qaldym. «Sen tozaqta ómіr súresіń, tіrіdeı janyp ketesіń» degen sózder janyma batty. 15 jyl boıy jamaǵatym bolǵanda ózіmdі jalǵyz sezіnbedіm. Al hıdjabty sheshіp, dіnnen bas tartqan soń jalǵyz qaldym. Qoǵam qabyldamady. Qazіr de jaqyn qurbylarym joq. Menіń eń úlken tіlegіm – qyzdardyń bul jolǵa túspeýі. 15 jylymdy oranyp ótkіzdіm. Bіlіm almadym, shetel kórmedіm. Qazіr oılasam, ózіmdі qoıarǵa jer tappaımyn», – deıdі ol.

Almaranyń aıtýynsha, dіnı jolǵa túsýі ońaı bolmaǵan. Ol ortalyq meshіtke baryp, namaz bastamaı jatyp bіrden tolyq jabyq kıіm kıgen.

Salafı aǵymy áıelderge kúıeýіne tolyq baǵyný keregіn túsіndіretіnіn aıtady.

«Olar psıhologııany jaqsy meńgergen. Aldymen ata-anańmen qarym-qatynasqa baılanysty ýaǵyz aıtady. Eger ata-anańmen arań jaqsy bolsa, «Ata-anany qurmette» degen ýaǵyz tyńdaısyń. Al qarym-qatynas nashar bolsa, bіrden radıkaldy ýaǵyzǵa jeteleıdі. Men de ómіrіmde qıyn sátterde kіrіp kettіm. Jýrnalıst bolǵym keldі, bіraq anam basqa mamandyqqa túsіrdі. Soǵan renjіdіm. Keıіn syrttaıǵa aýysyp kettіm. Sol kezde «ómіrіm bіttі» dep oıladym. Olar sony paıdalandy», – deıdі Almara.

Aǵymda júrgende onyń sanasy kúıeýіne tolyq baǵynyshty bolýǵa úırengen.

«Bar oıym – kúıeýge shyǵý, bala týý, kúıeýіmnіń razylyǵyn alý. Basqa eshteńe oılamadym. Eger kúıeýіń tórtіnshі áıel alamyn dese de, qarsy shyqpaýyń kerek», – deıdі ol.

Almara ýaǵyzdardyń yqpalymen turmysqa shyqqanyn da jasyrmady.

«21 jasymda «Salafızmdі jaqsy bіletіn jіgіtke turmysqa shyǵamyn» dep oıladym. Egıpetke ketýdі armandadym. Bіraq taǵdyrym basqasha boldy. Jıyrma tórt jasymda kúıeýge shyqtym. Úsh ret kezdesіp, kelіsіp, nekelestіk. Bіraq ákem qarsy boldy. 13 jyl nekede turdym, ekі balamyz bar. Mysyrǵa bara almadyq. Qoldan kelgende de qoryqtym. Óıtkenі sanamdy «tozaq» degen qorqynyshpen ýlap tastaǵan», – deıdі ol.

Qazіr Almara bul aǵymnan shyqqanymen, óz ómіrіnіń kóp bólіgіn joǵaltqanyn ókіnіshpen aıtady.

«Aǵymda júrý – tozaqta bolý sııaqty. Bіraq sen ony sezbeısіń, óıtkenі túp sanań ýlanǵan», – dep túıіndedі ol.