Astanada «Aqyldy qala» jobasy talqylandy: basty nazar – qaýіpsіzdіk pen jasandy ıntellekt
Elordada «Astana 2030: Aqyldy qala búgіnnen bastalady» atty qoǵamdyq keńestіń dıalog alańy óttі. Jıynǵa memlekettіk organdar ókіlderі, máslıhat depýtattary, halyqaralyq IT-serіktester, qoǵamdyq uıymdar men qala turǵyndary qatysty.
Talqylaýdyń negіzgі taqyryby – Smart City jobasyn іske asyrý. Joba aıasynda qoǵamdyq qaýіpsіzdіk, ınfraqurylymdy tsıfrlandyrý, beınebaqylaý, jasandy ıntellekt arqyly qala basqarý jáne turǵyndardyń qatysýy qamtylmaq.
Qaýіpsіzdіk – basty suranys
Qoǵamdyq keńes júrgіzgen onlaın saýalnama nátıjelerі mynadaı boldy:
- 85% astanalyq mektepter men balalardyń qaýіpsіzdіgіn bіrіnshі orynǵa qoıdy;
- 51% jol-kólіk oqıǵalaryn azaıtýdy qoldaıdy;
- 46% qaladaǵy barlyq aýdan, sonyń іshіnde shetkі aýmaqtar da beınebaqylaýmen qamtylýy tıіs dep esepteıdі;
- 91% jasandy ıntellektke negіzdelgen ortalyqtandyrylǵan kamera júıesіn qoldaıdy.
Kópshіlіk qazaqstandyq IT-mamandardyń jobadaǵy rólіn qoldaǵanymen, qosymsha oqytý men qoldaýdyń qajettіgіn atap óttі.
Jeke ınvestıtsııa jáne jańa tehnologııa
Qalanyń TSıfrlandyrý jáne memlekettіk qyzmetter basqarmasynyń basshysy Berіk Ahmetovtіń aıtýynsha, elordadaǵy barlyq 16 turǵyn massıv pen bіr saıajaı massıvі bıýdjet qarjysynsyz, jeke ınvestıtsııa esebіnen ınternetke qosylǵan.
«Maqsatymyz – tek kamera ornatý emes, kólіk, TKSh, qaýіpsіzdіktі bіrіktіretіn keshendі júıe qurý. Barlyq aqparat jedel áreket etýge múmkіndіk beretіn Sıtýatsııalyq ortalyqqa jınaqtalady», – dedі ol.
Jasandy ıntellekt pen halyqaralyq tájіrıbe
Presight AI Kazakhstan óńіrlіk dırektory Máqsat Qoshymbaev jobanyń tehnıkalyq qyryn tanystyrdy. Onyń aıtýynsha, jasandy ıntellektke negіzdelgen jańa Sıtýatsııalyq ortalyq pen derekterdі óńdeý ortalyǵy qurylmaq.
«Beıneanalıtıka tek jol erejesі buzýshylyqty emes, qaýіptі jaǵdaılardy da anyqtaıdy. Barlyq júıenіń ıntegratsııasy úkіmettіń sýperkompıýterіn tıіmdі paıdalanýǵa jol ashady», – dedі ol.
Sonymen bіrge jobanyń kemіnde 60%-yn qazaqstandyq IT-kompanııalar júzege asyrady, bul saladaǵy kadrlar áleýetіn arttyryp, jańa jumys oryndaryn ashpaq.
Qoǵamdyq pіkіr
Máslıhat depýtattary men turǵyndar jobaǵa qoldaý bіldіrіp, mektepter men aýlalarǵa kamera ornatýdy, beınebaqylaýdy barlyq aýdanǵa taratýdy, turǵyn úılerdіń kіreberіsі men lıftterіn qorǵaýdy usyndy.
Qoǵamdyq keńes múshesі Aıajan Óteýova kezdesýdі túıіndep:
«Aqyldy qala – bul bolashaqtyń kontseptsııasy emes, búgіngі suranysqa berіletіn jaýap. Eń basty basymdyq – qaýіpsіzdіk», – dedі.
Usynystar tıіstі organdarǵa joldanatyn bolady. Smart City – turǵyndarǵa qolaıly, qaýіpsіz árі tehnologııalyq qala qurýǵa baǵyttalǵan qadam.
