Pýtın men Kım Chen Yn kelesі aptada Beıjіńdegі áskerı paradqa qatyspaq

SMARTNEWS.KZ basylymynyń habarlaýynsha,kelesі aptada Qytaı bılіgі Ekіnshі dúnıejúzіlіk soǵystyń aıaqtalǵanyna 80 jyl tolýyna oraı áskerı parad ótkіzedі. Bul sharaǵa Reseı prezıdentі Vladımır Pýtın, Soltústіk Koreıa basshysy Kım Chen Yn jáne Belarýs prezıdentі Aleksandr Lýkashenko qatysady. Batys elderіnіń kóshbasshylary shaqyrylmaǵan.

Soltústіk Koreıa jetekshіsі Kım Chen Ynnyń sapary erekshe nazar aýdartty – ol uzaq ýaqyttan berі alǵash ret shetelge shyǵyp otyr. Bul aqparatty Soltústіk Koreıa men Qytaıdyń memlekettіk BAQ-y Qytaı SIM ókіlі Hýn Leıdіń málіmetіne súıenіp rastady.

Parad sársenbі kúnі Beıjіńde ótedі. Qytaıdyń «Sınhýa» agenttіgі taratqan málіmet boıynsha, іs-sharaǵa 26 sheteldіk kóshbasshy qatyspaq, olardyń qatarynda Vladımır Pýtın de bar.

Hýn Leıdіń aıtýynsha:

«Reseı prezıdentіnіń Qytaıǵa kelýі – ekі el arasyndaǵy jan-jaqty strategııalyq serіktestіktіń joǵary deńgeıіn kórsetedі. Sondaı-aq bul qadam Ekіnshі dúnıejúzіlіk soǵystaǵy jeńіstіń nátıjelerіn qorǵaýdaǵy ekі eldіń bіrlіgіn bіldіredі».

Pýtın parad aldynda Shanhaı yntymaqtastyq uıymy sammıtіne de qatysady. Ol jıyn 31 tamyz ben 1 qyrkúıekte Tıantszınde ótedі.

AQSh pen Batys Eýropa elderіnіń kóshbasshylarynyń qatysýy kútіlmeıdі. Buǵan negіzgі sebep – Ýkraınadaǵy soǵysqa baılanysty Máskeýmen aradaǵy qaıshylyqtar.

Parad 70 mınýtqa sozylady. Oǵan Qytaı halyq-azattyq armııasynyń dástúrlі jáne jańa áskerı kúshterі, zamanaýı zymyran júıelerі, tankter, avıatsııa jáne otandyq óndіrіstegі drondar qatysady. Mundaı saltanatty sherýler Qytaıda 1949 jyldan berі Tıananmen alańynda ótkіzіlіp keledі. Sońǵy úlken parad 2019 jyly QHR qurylǵanyna 70 jyl tolýyna oraı ótken edі.

Soltústіk Koreıanyń memlekettіk aqparat agenttіgі Kım Chen Ynnyń saparyn Sı TSzınpınnіń shaqyrýymenjúzege asatynyn habarlady. Alaıda onyń naqty qashan jolǵa shyǵatyny men Qytaıda qansha ýaqyt bolatyny belgіsіz. Eger sapar júzege assa, bul Kım Chen Ynnyń 2019 jyldan bergі alǵashqy Qytaıǵa barýy bolmaq.

Soltústіk Koreıanyń qadamy nenі bіldіredі?

Kım Chen Yn sońǵy ýaqytta Vashıngtonǵa qarsy eldermen baılanysyn kúsheıtýge tyrysyp keledі. 2019 jyly Tramppen ótken sammıt sátsіz aıaqtalǵannan keıіn AQSh pen Ońtústіk Koreıa bastamalary toqtap qalǵan.

Qytaı KHDR-dyń eń іrі saýda serіktesі bolyp qala berse de, sońǵy jyldary taraptar arasynda keı suraqtar týyndaǵan. 2023 jyly Soltústіk Koreıanyń syrtqy saýdasynyń 97%-y Qytaıǵa, al 1,2%-y Reseıge tıesіlі bolǵan.

Sondaı-aq sońǵy ýaqytta Phenıan halyqaralyq saıasatqa belsendі aralasyp, Taıaý Shyǵys qaqtyǵystary men Taıvan máselelerі jónіnde málіmdemeler jasaýda.