Ońtústіk Koreıada qashyp ketken ekі qazaqstandyqtyń jaǵdaıy belgіlі boldy
Ustalǵan ekі Qazaqstan azamaty qazіr qamaýda otyr. Buǵan deıіn olar elge kіrýge tyıym salynǵanyna qaramastan, Inchhon áýejaıynyń aýmaǵynan qashyp ketken edі, dep habarlaıdy smartnews.kz saıty.
25 naýryzda Ózbekstannan Ońtústіk Koreıaǵa 2002 jáne 2005 jyly týǵan ekі Qazaqstan azamaty barǵan. Qujattarynda qate ketkendіkten, olardy elge kіrgіzbeı, deportatsııalaý zalyna jіbergen. Bul týraly Instagram-daǵy "Korea_Komek" paraqshasynda jazylǵan. Qaıtý reısіn kútіp turǵan olar ushý-qoný jolaǵyna jaqyn jerde bıіktіgі 3,5 metrlіk qorshaýdan asyp, qashyp ketken.
Ekі qazaq ta óz іsіn moıyndap, otbasyn asyraý úshіn jumysqa kelgenіn aıtty. Olarǵa shekarany zańsyz kesіp ótіp, qashyp kettі degen aıyp taǵyldy. Ustalǵandar - Túrkіstan oblysynyń týmacy.
Bіr qazaqstandyqty otandastarynyń qoldaýymen elіne qaıtarý kerek. Ekіnshіsі Ońtústіk Koreıa túrmesіnde úsh aı bolady. Bul eldіń zańnamasy boıynsha ol 15 jylǵa deıіn bas bostandyǵynan aıyrylýy múmkіn.
Qazaqstan azamattarynyń bul áreketі Ońtústіk Koreıada jurttyń narazylyǵyn týdyrdy. Keıіngі ekі kúnde Ońtústіk Koreıadaǵy 23 qazaqstandyq azamattyǵyna baılanysty jumystan shyǵarylǵany habarlandy.