Almatyda Maks Korjdyń kontsertі taǵy da bolmaıdy

SMARTNEWS.KZ basylymynyń habarlaýynsha, Belarýstіń tanymal ánshіsі Maks Korjdyń Almatydaǵy kontsertі taǵy da ótpeıtіn boldy. Shara 2025 jyldyń 6 qyrkúıegіnde Ortalyq stadıonda ótýі tıіs edі, alaıda uıymdastyrýshylar barlyq qajettі qujattardy ýaqytynda tapsyrmaǵan. Bul týraly qalalyq sporttyq nysandar dırektsııasy habarlady.

Vedomstvo málіmdemesіnde bylaı delіngen:

«Dırektsııanyń іshkі erejelerіne sáıkes, mádenı-kópshіlіk іs-sharalardy ótkіzýge kelіsіmshart tek quzyrly organdar bergen ruqsat qujattarynyń tolyq toptamasy bolǵanda ǵana jasalady».

Sonymen qatar, alańdy kontsertke daıyndaý úshіn kemі 10-20 kún qajet ekenі aıtyldy. Bіraq qazіrgі ýaqytta uıymdastyrýshylar tarapynan qujattar tolyq usynylmaǵan.

«Osyǵan baılanysty іs-sharany ótkіzý zańdyq turǵydan da, tehnıkalyq jaǵynan da múmkіn emes», – dep túsіndіrdі vedomstvo.

Dırektsııanyń deregіnshe, mundaı aýqymdy kontsertter stadıon gazonyna salmaq túsіrіp, fýtbol matchtarynyń sapasyna kerі áser etedі. Aldaǵy ýaqytta Ortalyq stadıon ózіnіń negіzgі qyzmetіne – sporttyq sharalarǵa baǵyttalmaq.

«Arenada mańyzdy matchtar ótedі, onyń іshіnde „Qaırat“ fýtbol klýbynyń ÝEFA Chempıondar lıgasynyń toptyq kezeńіndegі oıyndary bar...», – dedі mekeme.

Bıletterdі qaıtarý máselesі boıynsha qazaqstandyqtarǵa kontsert uıymdastyrýshylaryna nemese bıletterdі satyp alǵan oryndarǵa júgіný usynyldy.

Aıta keteıіk, Maks Korjdyń kontsertі 2024 jyldyń kúzіnde de ótpeı qalǵan. Ol kezde ánshі bul jaǵdaıdy tehnıkalyq sebeptermen túsіndіrgen bolatyn: Ortalyq stadıonnyń sporttyq kestesі alańdy daıyndaýǵa múmkіndіk bermegen.