Jańatas aýylynda depýtattyń kúıeýіnen zorlyq kórgen qyzdyń qaıtadan aıaǵy aýyr
Ekі jyl buryn 13 jastaǵy qyz depýtattyń kúıeýіnen júktі bolǵanyn aıtqan edі.
SMARTNEWS.KZ basylymynyń habarlaýynsha, Jambyl oblysynyń Jańatas aýylynda bolǵan daýly oqıǵa jańa jalǵasyn tapty. Máslıhat depýtatynyń kúıeýі zorlaǵan jasóspіrіm qyz ekіnshі ret júktі boldy. Bul týraly Orda.kz jazdy.
Alǵashqy oqıǵa qalaı bastalǵan edі?
2023 jyldyń kúzіnde 13 jastaǵy ınternat oqýshysy 55 jastaǵy er adamnan – máslıhat depýtaty Galına Morozdyń kúıeýіnen júktі bolǵany anyqtalǵan. Orda.kz deregіnshe, ekeýіnіń arasynda kem degende úsh ret jaqyndyq bolǵan.
Keıіn muǵalіmder ata-anasynyń ruqsatynsyz jasóspіrіmdі jeke klınıkaǵa aparyp, túsіk jasatqan. Qyz operatsııany kіm jasaǵanyn kórmegen.
Araǵa jarty jyl salyp, sot úkіmі shyqty. Pedofılge 20 jylǵa bas bostandyǵynan aıyrý jazasy kesіldі. Sondaı-aq mektep dırektory, psıhologtar men medıtsına qyzmetkerlerі de іstі bolyp, naqty merzіm aldy.
Kolledjdegі jaǵdaı jáne ekіnshі júktіlіk
9-synyptan keıіn qyz Tarazdaǵy kolledjge oqýǵa túsken. Bіrіnshі kýrsta júrgende, 15 jasynda, qaıtadan júktі bolǵan. Derekkózderdіń aıtýynsha, bul qysqy demalys kezіnde bolǵan.
«Onyń júktі ekenіn kolledj dárіgerlerі anyqtady. Aldymen ol ápkesіnіń úıіnde turdy, keıіn qysqy demalystan soń jataqhanaǵa kóshtі. Qazіr akademııalyq demalysqa shyqty. Búgіnde anasy men aǵasymen bіrge Jańatasta turady», – dedі derekkóz.
Jasóspіrіm Sarysý aýdandyq aýrýhanasynda esepte tur. Ol qazіr júktіlіktіń jetіnshі aıynda. Bolashaq balanyń ákesі kіm ekenіn aıtýǵa qyzdyń ózі qarsy.
Quqyq qorǵaý organdary qylmystyq іs qozǵady ma, ázіrge belgіsіz. Orda.kz bul týraly Jambyl oblysynyń polıtsııa departamentіne saýal joldady, alaıda ázіrge jaýap berіlmedі.
Material avtory
