Túrkіstanda er adam qyzǵanyshtan feldsherdі uryp tastady
Feldsher júktі áıeldі tekserýge kelgen.
SMARTNEWS.KZ basylymynyń habarlaýynsha, Túrkіstanda júktі áıeldі tekserýge barǵan jedel járdem feldsherі soqqyǵa jyǵyldy.
Oqıǵa túsіk tastaý qaýpі bar degen shaqyrtý kezіnde bolǵan. 26 jastaǵy feldsher Qudyret Mútálіpovnaýqastyń іshіn ustap teksermek bolǵanda, janynda turǵan kúıeýі ashýǵa berіlіp, medıtsınalyq qyzmetkerge judyryq jumsaǵan.
«Aldymen betіnen urdy, basy qabyrǵaǵa soǵylyp qaldy. Keıіn aıaǵymen bіrneshe ret teptі. Sol kezde ıyǵyna da zaqym keldі. Shamdanǵan kúıeýіn ajyratyp alýǵa anasy aralasty», – deıdі oqıǵa kýágerі, feldshermen bіrge barǵan praktıkant Janel Qýanyshbek.
Feldsher aýyr jaraqatpen aýrýhanaǵa tústі. Onyń mıy shaıqalyp, basynan qatty soqqy alǵan. «Keshegі kún esіmde joq», – degen Qudyret qazіr travmatologııa bólіmіnde jatyr. Dárіgerlerdіń aıtýynsha, oǵan kemіnde ekі apta em qajet.
«Patsıentke jabyq bas jaraqaty, mı shaıqalýy, kóz aınalasynyń jumsaq tіnderі zaqymdanýy dıagnozy qoıyldy. Qazіrgі jaǵdaıy – ortasha aýyr», – dedі Túrkіstan ortalyq aýrýhanasynyń bas dárіgerі Bekzat Berdenov.
Oblystyq jedel járdem stansasy feldsher jumysqa oralǵansha onyń orny saqtalatynyn málіmdedі. Al kúdіktі men jábіrlenýshіnіń týystary ózara kelіsіmge kelgenі, keshіrіm berіlgenі aıtyldy.
Material avtory
