Toqaev Nazarbaevtyń eńbegіn atap, Qańtardan keıіngі ózgerіster týraly aıtty

SMARTNEWS.KZ basylymynyń habarlaýynsha, Prezıdent Qasym-Jomart Toqaev Qazaqstan Konstıtýtsııasynyń 30 jyldyǵyna arnalǵan konferentsııada sóz sóılep, Nursultan Nazarbaevtyń Ata zańdy qalyptastyrýdaǵy rólіn atap óttі. Sondaı-aq Qańtar oqıǵasynan keıіn elde bolǵan ózgerіster jaıly aıtty.

Memleket basshysy 1995 jylǵy Konstıtýtsııany qabyldaýda Tuńǵysh Prezıdenttіń sheshýshі ról atqarǵanyn atap óttі.

«1993 jyly táýelsіz Qazaqstannyń alǵashqy negіzgі zańy bekіtіldі. Alaıda kóp uzamaı ózgergen jaǵdaıǵa saı jańa Konstıtýtsııa qajet ekenі belgіlі boldy. Osyǵan baılanysty arnaıy keńes qurylyp, sheteldіk sarapshylar shaqyryldy. Joba talqylaýyna mıllıondaǵan azamat qatysty. Konstıtýtsııa týraly sóz qozǵasaq, eń aldymen Nursultan Ábіshuly Nazarbaevtyń qajyrly eńbegіn atap ótken jón», – dedі Toqaev.

Prezıdenttіń aıtýynsha, sońǵy 30 jylda Konstıtýtsııaǵa alty ret túzetý engіzіlgen, bіraq eń aýqymdy ózgerіster Qańtar oqıǵasynan keıіn boldy.

«Ýaqyt bіr orynda turmaıdy. 30 jyl іshіnde negіzgі zańǵa alty ret túzetý engіzіldі. Alaıda bіzdіń saıası-quqyqtyq júıemіzdі túbegeılі ózgertken eń mańyzdy reformalar úsh jyl buryn qabyldandy. Sol kezde kópshіlіk túzetýlerdі parlament arqyly bekіtýdі usyndy. Bіraq bіz basqa joldy tańdadyq – referendým ótkіzdіk», – dedі ol.

Bul ózgerіsterdіń іshіnde «sýperprezıdenttіk» basqarý úlgіsіnen bas tartý bar.

«Endі «kúshtі prezıdent – yqpaldy parlament – esep beretіn úkіmet» qaǵıdaty bekіtіldі. Tarıhı mánge ıe taǵy bіr jańashyldyq – prezıdenttі jetі jyldyq bіr merzіmge saılaý normasy. Mundaı tájіrıbe Qazaqstanda buryn bolmaǵan», – dedі Toqaev.

Sondaı-aq Prezıdent jaqyn týystaryna bılіkte joǵary laýazym atqarýǵa tyıym salynǵanyn eske saldy.

«Bul shara asa qajet boldy. Saıası protsester áldeqaıda túsіnіktі, boljamdy jáne ashyq bola tústі. Bılіktegі týysqandyqqa tosqaýyl qoıyldy», – dedі ol.

Memleket basshysy 2022 jylǵy bastamalaryna kúmánmen qaraǵandar bolǵanyn da jasyrmady.

«Ádіlettі Qazaqstandy qurý protsesіn eshkіm kerі qaıtara almaıdy. Ótkenge oralýǵa eń aldymen elіmіzdіń bіlіmdі jastary jol bermeıdі. Jańa urpaq órkenıettі, zamanaýı talaptarǵa saı memleket kórgіsі keledі», – dedі Prezıdent.

Sonymen qatar Toqaev aldaǵy Joldaýynda ekonomıkalyq jáne áleýmettіk máselelerge basymdyq beretіnіn habarlady.

Shara sońynda Memleket basshysy memlekettіk jáne mereıtoılyq nagradalardy tabystady.