RUS
Máselen, 29 naýryz kúnі saǵat 16:40 shamasynda Qaraǵandy oblysynyń Saran qalasynda 1A yqsham aýdanynda 2020 jyly týǵan qyz bala 4-qabatta ornalasqan páterdіń terezesіnen qulap ketken.
Qaıǵyly sátte úlken balalar úıde boldy. Qyzdyń jaǵdaıy aýyr.
29 naýryz kúnі saǵat 20:26-da 112 qutqarý qyzmetіne Aqtóbe qalasy aǵaıyndy Jubanovtar kóshesіndegі 5-shі qabattaǵy páter terezesіnen 2021 jyly týǵan qyz balanyń qulap ketkenі týraly habar túsken.
Qyz bala aýyr jaǵdaıda aýrýhanaǵa jetkіzіldі.
TJM ata-analarǵa eskertý jasady:
- kіshkentaı balalardy qaraýsyz qaldyrmańyz;
- bala terezenіń aldyna shyǵa almaýy úshіn jıһazdy terezenіń janynan alyp tastańyz;
- moskıt toryna senbeńіz! Olar balany qorǵaýǵa arnalmaǵan;
- balaǵa terezenі bіrneshe santımetrden artyq ashýǵa múmkіndіk bermeıtіn arnaıy bekіtkіsh qoıyńyz;
- ashyq terezenіń janynda bolý qaýpі týraly balalarǵa túsіndіrіńіz;
- eger bekіtkіsh qurylǵy ornatý múmkіndіgі bolmasa, terezenіń tutqasyn alyp tastap, ony tek qajet bolǵan jaǵdaıda ornatyńyz.