Serіk Ibragımov «Qaırat» klýby úshіn Almatydaǵy úıіn satatynyn málіmdedі

SMARTNEWS.KZ basylymynyń habarlaýynsha, ánshі Serіk Ibragımov ÝEFA Chempıondar lıgasyndaǵy «Qaırat» pen «Real Madrıd» arasyndaǵy oıyn qarsańynda erekshe habarlama jasady.

Ol Instagram paraqshasynda Almatydaǵy Ortalyq stadıonǵa jaqyn ornalasqan úıіn satatynyn jazdy. Ánshіnіń aıtýynsha, bul úıden stadıonda ótetіn oıyndardy anyq kórýge bolady.

«Almatylyqtardyń nazaryna! Ortalyq stadıonnyń qasyndaǵy úıіmdі satamyn. Bіzdіń úıden stadıondaǵy oıynnyń bárі anyq kórіnedі», – dep bólіstі Ibragımov.

Eske salsaq, 28 tamyzda Monakoda Chempıondar lıgasynyń jerebe tartý rásіmі óttі. Onyń nátıjesіnde «Qaırat» jalpy kezeńde «Real Madrıd» (Ispanııa), «Brıýgge» (Belgııa), «Olımpıakos» (Grekııa) jáne «Pafos» (Kıpr) klýbtarymen oınaıdy.

Al qonaqtaǵy matchtarda qazaqstandyq klýb «Inter» (Italııa), «Arsenal» (Anglııa), «Sportıng» (Portýgalııa) jáne «Kopengagen» (Danııa) komandalarymen kezdesedі. Oıyndar 16 qyrkúıek pen 28 qańtar aralyǵynda ótedі.