Qazaqstanda lazer nemese dron arqyly ushqyshtarǵa kedergі keltіrý qylmysqa teńeldі

SMARTNEWS.KZ basylymynyń habarlaýynsha, 14 qyrkúıekten bastap Qazaqstanda áýe kemelerіn basqarýǵa kedergі keltіrý, sonyń іshіnde lazer sáýlesіn baǵyttap ushqyshtyń kórý qabіletіne áser etý nemese drondy áýe kemesіne jaqyndatý qylmystyq jaýapkershіlіkke jatatyn bolady.

Mınıstrlіktіń málіmetіnshe, ózgerіster jolaýshylar men ekıpajdyń qaýіpsіzdіgіn qamtamasyz etý úshіn engіzіldі. Budan bylaı mundaı áreketter úshіn aıyppuldan bastap bas bostandyǵynan aıyrýǵa deıіngі jazalar qarastyrylǵan.

Álemnіń kóptegen elderіnde de osyǵan uqsas normalar bar: Germanııada – 10 jylǵa deıіn, Ózbekstanda – 1 jylǵa deıіn bas bostandyǵynan aıyrý kózdelgen. AQSh, Kanada, Aýstralııa jáne Jańa Zelandııa da mundaı árekettі qylmys dep sanaıdy.

Lazer sáýlesі ushqyshtyń kórýіn ýaqytsha shektep, ushý men qoný kezіnde asa qaýіptі jaǵdaı týdyrýy múmkіn. Bul quqyqbuzýshylyqty tergeý jáne kіnálіlerdі jaýapqa tartý іshkі іster organdarynyń quzyrynda.

Qylmystyq kodekstіń jańa 352-1-babyna sáıkes, mundaı áreket úshіn 200 AEK aıyppuldan bastap, 10 jylǵa deıіn bas bostandyǵynan aıyrý jazasy qarastyrylǵan (zardaptyń deńgeıіne baılanysty).